Prezident icra başçılarını topladı: Lənkəranda müşavirə

Prezident icra başçılarını topladı: Lənkəranda müşavirə
  • Siyasət / Manşet

  • Bu gün prezident İlham Əliyevin sədrliyi ilə Lənkəranda çay, çəltik və sitrus meyvələri istehsalının inkişafı məsələlərinə dair respublika müşavirəsi keçirilib.

    Asiya.az xəbər verir ki, dövlət başçısı müşavirəni giriş nitqi ilə açıb.

    Sonra Lənkəran Şəhər İcra Hakimiyyətinin başçısı Taleh Qaraşov, "Astaraçay” Məhdud Məsuliyyətli Cəmiyyətinin direktoru Tələt Məmmədov, Masallı Rayon İcra hakimiyyətinin başçısı Rafil Hüseynov, "Cənub-Aqro” Məhdud Məsuliyyətli Cəmiyyətinin aqronomu Fərman Abdullayev, Ağdaş Rayon İcra Hakimiyyətinin başçısı Tofiq İbrahimov, "Gilan Orchards” Məhdud Məsuliyyətli Cəmiyyətinin direktoru Vaqif Süleymanov və Astara Rayon İcra Hakimiyyətinin başçısı Qəzənfər Ağayev çıxış ediblər.

    İlham Əliyev müşavirədə yekun nitqi söyləyib.

    Daha sonra prezident müşavirə çərçivəsində təşkil edilmiş sərgi ilə tanış olub.

    İqtisadiyyat naziri Şahin Mustafayev sərgi barədə dövlət başçısına məlumat verib. Bildirib ki, burada yerli çay və çəltik əkini və emalı, sitrus meyvələrinin, meyvə-tərəvəzin yetişdirilməsi və arıçılıq ilə məşğul olan sahibkarlıq subyektləri məhsullarını nümayiş etdirirlər. Ümumilikdə, sərgidə çayçılıq, çəltikçilik, sitrus meyvəçilik və arıçılıq üzrə 13 yerli müəssisənin 100-dən çox çeşiddə məhsulu nümayiş olunur.

    Prezidentə Azərbaycanda çayçılığın mövcud vəziyyəti və inkişaf perspektivləri barədə də məlumat verilib.
    PAYLAŞ:

    Oxşar xəbərlər