Hadisə şahidlərinin azxeber.com-a verdikləri məlumata görə, Heydər Əliyev prospektində bir neçə maşın qəzaya düşüb. Belə ki, "Lexus" orta yolda hərəkət edən 99 EL 341 dövlət nömrə nişanlı "Opel" markalı avtomobili arxadan vurub. Zərbədən "Opel" orta yoldan çıxaraq köməkçi yola düşüb.
Köməkçi yolda isə "Opel" daha iki maşına dəyib.
“Qafqazinfo”nun əldə etdiyi məlumata görə, qəza nəticəsində ölən 2 nəfərdən başqa daha 2 nəfər yaralanıb. Onlar 44 yaşlı Manafov Rəhim və 36 yaşlı Əmircanov Kamildir.
Səhiyyə Nazirliyinin mətbuat xidmətinin əməkdaşı Səfayə Əhmədova bildirib ki, yaralılar Kliniki Tibbi Mərkəzə yerləşdirilib.
Hazırda ölənlərin şəxsiyyəti dəqiqləşdirilir.
Qəzadan bir neçə dəqiqə sonra çəkilən görüntüləri təqdim edirik
