Məhkəmədə Ziya Məmmədovun qardaşı oğluna maşın təkilf olundu

Məhkəmədə Ziya Məmmədovun qardaşı oğluna maşın təkilf olundu
  • Sosial

  • Dələduzluqda təqsirləndirilən tanınmış idmançı, K-1 döyüş növü üzrə məşqçi Rövşən Heybətovun məhkəməsi davam edib.

    Asiya.az-ın lent.az-a istinadən məlumatına görə, Bakı Ağır Cinayətlər Məhkəməsində hakim Azər Paşayevin sədrlik etdiyi prosesdə zərərçəkmiş Elnur Məmmədovun (Ziya Məmmədovun qardaşı oğlu) prosesə gəlmədiyi elan edilib.


    Həmçinin ötən prosesdə əlavə şahid qismində çağrılmış "Zaminbank"ın müdiri Nadir İsrafilov da məhkəməyə gəlməyib.

    Hakim həmçinin təqsirləndirilən şəxsə sual verərək zərərçəkmişə ziyanın ödənilib-ödənilmədiyini soruşub.

    Elnur Heybətovun vəkili Vasif İsrafilov bildirib ki, zərərçəkmiş Elnur Məmmədova ziyan əvəzinə maşın təklif ediblər.


    Proses martın 30-a qədər təxirə salınıb.

    Qeyd edək ki, iş üzrə zərərçəkmiş şəxs sabiq nazir Ziya Məmmədovun qardaşı, sabiq deputat Elton Məmmədovun oğlu Elnur Məmmədovdur.

    E.Məmmədov Bakı şəhər Baş Polis İdarəsinə müraciət edərək, Rövşən Heybətovun onun etibarından sui-istifadə edərək 100 min manat pulunu dələduzluq yolu ilə mənimsədiyini bildirib. R. Heybətov saxlanılaraq barəsində həbs qətimkan tədbiri seçilib və 5 ay həbsdə qaldıqdan sonra ev dustaqlığına buraxılıb. Hazırda azadlıqdadır.

    E.Məmmədov işlə bağlı R.Heybətova 200 min dollar verərək Türkiyəyə göndərib. R. Heybətov orada avtomobil qəzasına düşüb və xəstəxanaya yerləşdirilib. Həmin zaman isə pulun üzərində olmadığını görüb. E. Məmmədov isə buna inanmayaraq R. Heybətovun pulu mənimsədiyini bildirib və polisə şikayət edib.

    İstintaq tamamlandıqda isə R.Heybətov yekun olaraq 210min dollar mənimsəməkdə ittiham edilib.

    Lakin istintaq və məhkəmə dövründə Rövşən Heybətov 148 min dollar pulu qaytarıb.


    Onu da qeyd edək ki, Elnur Məmmədov "Best of the Best" promoşn qrupunun prezidenti olmaqla yanaşı, həmçinin, K-1-in Azərbaycan və Yaxın Şərq üzrə rəsmi nümayəndəsi olub.
    PAYLAŞ:

    Oxşar xəbərlər