BakuPost-a daxil olan məlumata görə, A. Şərifovun qardaşı oğlu yol qəzası nəticəsində həyatını itirib. Hadisə Sabunçu rayonunun Bakıxanov qəsəbəsində baş verib. Belə ki, mayın 2-də saat 13:00 radələrində Zahid Şərifov idarə etdiyi "Volkswagen” markalı avtomobili yolun kənarındakı evin hasarına, sonradan isə qaz borusuna çırpıb.
Nəticədə Z. Şərifov və avtomobildəki Elçin Tağıyev hadisə yerindəcə ölüb, digər 2 sərnişin isə yaralanıb. Yaralılar xəstəxanaya yerləşdirilib.
Abid Şərifov ailəsində faciəvi hadisənin baş verdiyini təsdiqləyib. Lakin o, ölən şəxsin qardaşı oğlu olmadığını, qardaşının nəvəsi olduğunu deyib.
Faktla bağlı araşdırma aparılır.