Bu haqda Qaynarinfo-ya mərhumun əmisi oğlu Tural Aslanlı məlumat verib.
Onun dediyinə görə, Azər uzun müddət idi ki, ağır xəstəlikdən əziyyət çəkirdi: "Müdafiə Nazirliyi Mərkəzi Hərbi Poliklinikasında Azərdən götürülən qan analizində linfa xərçəngi aşkarlandı və müalicə olunmaq üçün Milli Onkologiya Mərkəzinə göndərildi. Ağ ciyərinin yaxınlığında yerləşən linfada xərçəng xəstəliyi var idi. Nə qədər çalışsaq da, onu həyatda saxlaya bilmədik".
O həkimlərin məsuliyyətsizliyi və səhlənkarlığı haqda da danışıb: "Qan institunun həkimlərinin bu qədər cəllad, soyuqqanlı olduğunu bilmirdim. İnsanlıq onlar üçün bitib. Həkimlər soyuqqanlıqla Azərin valideynlərinə deyirlər ki, xəstəxanada səs-küy salmayın onsuzda gec tez gedəcəydi. Bu dövlət üçün canından keçməyə hazır olan birinə qarşı bu qədər alçaqcasına soyuqqanlı yanaşmağı ancaq düşmən edər".
