Asiya.az xəbər verir ki, Səməd Alışov Füzuli istiqamətində düşmənin atəşkəs rejimini pozması nəticəsində həyatını itirib.
1999-cu il təvəllüdlü Səməd Alışov, Qəbələ rayonunun Zirik kəndində doğulub. Fiziki məhdudiyyətli bir qardaşı var. Hərbi xidmətini başa vurmağına 2 ay qalmışdı.
Şəhidimiz doğulduğu kənddə də torpağa tapşırılıb. Şəhidin dəfnində ailə üzvləri , Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin, Qəbələ Rayon İcra Hakimiyyətinin əməkdaşları, rayon ictimaiyyətinin nümayəndələri və rayon sakinləri iştirak ediblər.
Yaxınlarının Meydan TV-yə verdiyi məlumata görə, əsgər postda olarkən başından vurulub.
Allah şəhidimizə rəhmət eləsin!