Asiya.az Report-a istinadən xəbər verir ki, hadisə Yasamal rayonu, Mirəli Seyidov küçəsində baş verib.
Belə ki, ötən gecə beşmərtəbli binanın həyətində yerləşən qarajdakı "Nissan” markalı avtomobildə 1997-ci il təvəllüdlü Könül Əhədova və 1990-cı il təvəllüdlü Elvin Zeynalovun meyiti tapılıb.
Avtomobil K.Əhədovaya məxsus olub.
Meyitlər tapılarkən avtomobilin kondisoneri işlək vəziyyətdə olub, cütlülk də məhz maşının qazından ölüb.
Hadisə yerinə Yasamal Rayon Prokurorluğu və Yasamal Rayon Polis İdarəsinin əməkdaşları cəlb edilib.
Ehtimala görə onlar sevgili olub və boğulma hadisəsi intim əlaqədən sonra baş verib. Cütlüyün kondisionerin qazından boğularaq öldüyü bildirilir.
Faktla bağlı cinayət işi başlanılıb.
Qeyd edək ki, sentyabrın 7-də E.Zeynalovun toy mərasimi olacaqdı.
Elvin Zeynalovun motosiklet idarə edərkən görüntüləri yayılıb.
Asiya.az İnterpress.az-a istinadən əldə etdiyi məlumata görə, E.Zeynalov motosiklet həvəskarı olub. Onun motosiklet idarə edərkən bir neçə görüntüləri yayılıb.
Həvəskar olduğuna görə, müxtəlif markalı motosiket kolleksiyası olduğu bildirilir.
