Mübariz Mənsimovdan növbəti ağır ittihamlar

Mübariz Mənsimovdan növbəti ağır ittihamlar
  • Cəmiyyət / Manşet

  • Son günlər "Palmali" Şirkətlər Qrupunun yeni istifadəyə vermək istədiyi Məmməd Əmin Rəsulzadə gəmisi ətrafında xoşagəlməz vəziyyət yaranıb.

    Asiya.az xəbər verir ki, şirkətin rəhbəri Mübariz Mənsimovla məhkəmə çəkişməsində olan SOCAR rəhbərliyi istər yerli, istərsə də türk mətbuatında dolayı yollarla iddia edib ki, sözügedən gəmi köhnədir və onun adı dəyişdirilib. Bununla bağlı, özünün Facebook hesabında Mənsimov bu haqda məlumat yayan və yaydiranlari sərt tənqid edib. Onları bacarıqsızliqada, dövlətin sərvətini talamaqda və yalançılıqda ittiham edib. Şirkət rəhbərinin fikirlərini olduğu kimi təqdim edirik.

    Quru yük və tanker gəmilərini ayıra bilməyən, amma oğurluq pulla sifariş verib yazı yazdıran bisavadlara buradan müraciət edirəm. Yorulmadınız mənim haqqımda səviyyəsiz xəbərlər yazdırmağa? Siz o yazılarla məni ləkələyə biləcəyinizi düşünürsüz? Məndən “xalq düşməni” düzəltməyə çalışırsınız? Kimdir Azərbaycan xalqının dəyərlərinə hörmət etməyən?! Bunu heç olmasa, siz deməyin, xalqın neftini satıb, bu dünyada özünüzə cənnət qurmusunuz. Bütün Avropa sizdən və sərvətinizdən, cibinizə axan neft pullarını limitsiz xərcləməyinizdən danışır. Dəyərdən danışan dəyərsizlər! Əsl dələduz sizsiniz, “SOCAR Trade”i biz qurduq, siz oğurladınız, orda-burda yalandan öyünürsüz. O şirkəti Azərbaycan neft şirkəti ilə mən Mübariz və dostum Qalovuşkinlə birlikdə quraraq, Azərbaycan neftini dünya bazarına cıxardıq. Və utanmadan indi deyirsiniz ki, bunu siz etdiniz. Sənədlərə ehtiyac varsa, tək-tək ortaya qoyaram! Davamını gətirim? Sizin kim olduğunuzu xalq yaxşı bilir. Gəmiyə gəldikdə, bəli, “Məhəmməd Əmin Rəsulzadə” bizim donanmanın yeni gəmisidir. 2019-cu ilin standartlarına uyğun reniveyşn edilmiş loyd tərəfindən təsdiqlənmiş və həyəcanla səfərə cıxmasını gözlədiyimiz gəmidir. Bu gəmi tankerdən quru yük gəmisinə cevrilmiş və yük gəmisi olaraq dünya sularında üzəcək. Ay bisavadlar, siz axı hardan biləsız ki, tanker nədir, quru yük gəmisi nədir. Bir də ki, gəminin texniki baxımdan, yeni və ya köhnə olmasının adın əbədiləşdirilməsinə nə aidiyyatı var?Axmaqlar, lap elə 21 illik gəminin adını dəyişərək, “Məhəmməd Əmin Rəsulzadə” qoymuşamsa, burada nə var? Siz Rəsulzadə adının əbədiləşdirilməsi ilə bağlı nə etmisiniz bu günə qədər? Həm də ki, adı “qara siyahı”da olan bir gəmi dünya sularına necə buraxıla bilər?! Gəmidə son boyama işləri görülür və yola cıxmaq üzrədir. Biz Palmali olaraq millətimin baş tacı olan hər bir azərbaycanlının adını əbədiləşdirməyə davam edəcəyik. Necə ki, Heydər Əliyev, Mir Cəlal Paşayev, Mübariz İbrahimov adları dünya sularında yaşayır, Məhəmməd Əmin Rəsulzadə və Əbülfəz Elçibəyin adları verilmiş gəmilər də eyni şəkildə fəaliyyət göstərəcəklər.

    Qarşı tərəfin də mövqeyini dərc etməyə hazırıq.
    PAYLAŞ:

    Oxşar xəbərlər