Bayramla bağlı 3 qurum birgə işləyəcək

Bayramla bağlı 3 qurum birgə işləyəcək
  • Sosial / Manşet

  • Qida Təhlükəsizliyi Agentliyi, Kənd Təsərrüfatı və Daxili İşlər Nazirliklərinin Qurban bayramı ilə bağlı birgə açıqlama yayıb.

    Asiya.az xəbər verir ki, açıqlamada bayramla bağlı hər üç qurumun gücləndirilmiş iş rejimində fəaliyyət göstərəcəyi bildirilib:

    "Bayram günlərində heyvan kəsiminin müvafiq qaydada həyata keçirilməsini təmin etmək üçün respublika üzrə 44 stasionar və 30 çadır tipli kəsim məntəqəsi vətəndaşların ixtiyarına veriləcək. Çadır tipli kəsim məntəqələrində qurbanlıq heyvanların satışı ilə yanaşı onların kəsimi, hazırlanması və digər xidmətlər yerli icra strukturları tərəfindən təmin ediləcək.

    Qida Təhlükəsizliyi Agentliyi, Kənd Təsərrüfatı və Daxili İşlər nazirlikləri bu bayram günlərində qurbanlıq heyvanların satışı və kəsimi ilə məşğul olan şəxslərə küçələrdə və yol kənarlarında antisanitar şəraitin yaradılmaması üçün heyvan satışı və kəsimini, baytarlıq-sanitariya və gigiyenik normalara cavab verən stasionar və çadır tipli heyvan kəsimi məntəqələrində həyata keçirməyi bir daha tövsiyə edir.

    Vətəndaşlardan xahiş olunur ki, bayram günlərində sağlamlığı şübhə doğuran heyvanlarla bağlı, eyni zamanda, küçə və yol kənarlarında antisanitar şəraitdə heyvan kəsimi və satışı müşahidə olunduqda Daxili İşlər Nazirliyinin "102” Xidməti - Zəng Mərkəzinə, Qida Təhlükəsizliyi Agentliyinin 1003 "Çağrı Mərkəzi”nə, Kənd Təsərrüfatı Nazirliyinin isə 1652 "Çağrı Mərkəzi”nə zəng edib məlumat versinlər”.
    PAYLAŞ:

    Oxşar xəbərlər