Asiya.az xəbər verir ki, 9 fevral Parlamentə keçiriləcək növbədənkənar seçkilərinin təbliğat-təşviqat kampaniyası çərçivəsində deputatlığa namizəd Firdovsi Cəbrayılov Respublikanın qədim və böyük yaşayış məntəqələrindən biri olan Ərkivan qəsəbəsində olub.
Görüş öncəsi Firdovsi Cəbrayılovun Ərkivan şəhidləri üçün ucaldılan abidəni ziyarət edib.
Ziyalılar evində 300-də artıq qəsəbə sakininin iştirakı ilə keçən izdihamlı görüş Azərbaycan himninin sədaları ilə başlayıb.
Görüşdə qəsəbə ziyalıları, ağsaqqallar, müəllimlər namizədə isti münasibət bəsləyib, seçkilərdə ona səs verəcəklərini bildiriblər.
Seçicilərlə səmimi söhbət edən F.Cəbrayilov seçiləcəyi təqdirdə həyata keçirəcəyi işlər, planları barədə ətraflı məlumat verib. O bildirib ki, “Mən seçkilılərə ölkə başçsısı İlham Əliyevin çağırışı ilə qatılmışam. Biz hər zaman düşünülmüş uğurlu siyasəti dəstəkləyəcək, günü-gündən qüdrətlənən Azərbaycanımız üçün çalışacağıq”.
Sakinlərinin xahişi ilə F.Cəbrayılov Ərkivanın Bələdiyyə binası ilə Uşaq baxçasının beş addımlığında yerləşən, illərdir təmirə ehtiyacı olan küçə ilə tanış olub.
Tədbirin rəsmi hissəsindən sonra Bakı şəhərindən namizədə dəstək olmaq üçün gələn Əməkdar artist Baloğlan Əşrəfov, müğənnilər Elşad Qarayev və Şahin Ağayev sakinlər qarşısında konsert proqramı ilə çıxış ediblər.
Cəfər Cəfərov
Asiya.az
