[b]Asiya.az[/b] xəbər verir ki, türkiyəlilər Almaniyada öz adət-ənənələrini yaşadır, davam etdirirlər. Sosial şəbəkələrdə yayılan videoda paytaxt Berlinin mərkəzində toy karvanı diqqət çəkir. Bayraqlardan ritualı türkiyəlilərin keçirdiyi məlum olur. Ard-arda düzülən müxtəlif bahalı avtomobillər əl əyləcindən istifadə edərək küçənin ortasında təhlükəli manevrlərə yol verirlər. Bunlar nəqliyyatın normal hərəkətinə mane olur. Avtobus sürücüləri necə davranacağını bilmir.
Baş verənləri kənardan izləyən şəhər əhalisinin yüngül şok keçirdiyi hiss olunur. Sosial şəbəkələrdə yazılan şərhlər də bundan xəbər verir. Almanların belə davranışı təqdir etmədiyi nəzərə çarpır.
