Asiya.az xəbər verir ki, 04 aprel 2020-ci il tarixindən etibarən Salyan Rayon İcra Hakimiyyətinin, YAP Salyan könüllülərinin təşəbbüsü və Peşə Liseyinin təşkilatçılığı ilə, əhalinin tibbi maskalarla təmin edilməsi üçün liseyin dərzi ixtisas qrupunun istehsalat təlimi ustaları və müəllimləri tərəfindən təmənnasız tibbi maskaların tikilməsinə başlanılıb.
Məqsəd koronavirus infeksiyasının yayılmasının qarşısının alınması məqsədilə ölkə rəhbərliyi tərəfindən həyata keçirilən genişmiqyaslı tədbirlərə dəstək olmaq, həmrəylik nümayiş etdirməkdir. Hazırlanan tibbi maskalar əhaliyə pulsuz paylanılacaqdır.
