“Ərkivan Xeyriyyə Cəmiyyəti”-nin sədr müavini Elşən Hacızadə Asiya.az-a verdiyi açıqlamada bildirib ki, keçirilən aksiya 3 gün öncə icmamız tərəfindən keçirilən “Xoş gəldin Ramazan!” adlı aksiyanın davamıdır.
Aksiya, qəsəbədə sosial problemlərin həllində hər zaman birlik göstərən, Cəfər Cabbarlı adına Ərkivan qəsəbə orta məktəbin (“Ağ məktəb”) 1978-ci il məzunlarının maddi dəstəyi ilə baş tutub.
1978-ci il məzunlarının “Ərkivan Xeyriyyə Cəmiyyəti”nə təqdim etdikləri hazır ərzaq bağlamaları könüllülər tərəfindən qəsəbədə yaşayan 30 aztəminatlı ailəyə evlərində çatdırılıb.
DİQQƏT! “Ərkivan Xeyriyyə Cəmiyyəti” etik səbəblərdən və reklam məqsədi güdmədiyindən ərzaq bağlaması verilən aztəminatı ailələri, onların evlərinin və həyətlərinin FOTO və VİDEO görüntülərini yayımlamır!
