Asiya.az xəbər verir ki, iyunda bir çox ölkələr milli çempionatını davam etdirəcək. İranda buna cəsarət edə bilmirlər. Çünki son vaxtlar koronavirusa yoluxanların sayı yenə artıb. Ölkədə virusun ikinci dalğasının gəlməsindən danışmağa başlayıblar.
Bu məqamda “Traktorsazi”nin idman direktoru Söhrabi qəribə təkliflə çıxış edib.
Söhrabi Söhrabi
O, çempionatı “Play station”da bitirməyi ən optimal variant saydığını deyib. Söhrabinin fikrincə, hər klub bir nümayəndə seçə bilər, həmin adamlar çempionatı kompüter versiyasında davam etdirməklə başa vurar.
“Traktorsazi”nin idman direktoru milli birinciliyin bərpasına çox inanmadığını gizlətməyib. Söhrabi deyib ki, bərpa alınsa belə, matçlar tamaşaçısız oynanılacaq, bu isə oyunların sönüklüyünə səbəb olacaq.
İran çempionatı 21-ci turda dayandırılıb. Turnir cədvəlinə 44 xalla “Persepolis” başçılıq edir. “Traktorsazi” 37 xalla üçüncü yerdədir.