Asiya.az xəbər verir ki, Şəhidin tabutuna bükülmüş Azərbaycan Respublikasının üç rəngli bayrağı onun məktəbli övladı Nihat Novruzova təhvil verilib. 25 il hərb sahəsində xidmət edən şəhid Anar Novruzovun 2 övladı var. Yaxınlarının bildirdiyinə görə, A.Novruzov həmişə ön cəbhələrdə qəhrəmancasına döyüşüb.
Şəhid mayorun vida mərasiminə yüzlərlə rayon sakini, ictimaiyyət nümayəndələri, Masallı Rayon İcra Hakimiyyətinin başçısı Şahin Məmmədov, Millət vəkilləri - Anar İsgəndərov, Məşhur Məmmədov, Musa Qasımlı, Cavanşir Paşazadə, Razi Nurullayev, "Konstitusiya" Araşdırmalar Fondunun Prezidenti Əliməmməd Nuriyev və digər vəzifəli şəxslər qatılıb.