"Real Park MMC" sakinləri boğaza yığıb... - VİDEO

"Real Park MMC" sakinləri boğaza yığıb... - VİDEO
  • Sosial / Araşdırma / Asiya TV

  • “Siz öz davranışınızla insanların hörmətini qazanmalısınız. Təvazökar olmalısınız, həm işdə, həm məişətdə, həm özünüz, həm yaxın qohumlarınız. İnsanları qıcıqlandıra biləcək addımlar atmamalısınız. Özünüzü hamıdan yuxarıda hiss etməməlisiniz”.

    Asiya.az
    xəbər verir ki, bu sözlər ölkə başçısının məmurlara davamlı tövsiyyəsidir. Təəssüf ki, Prezident bu mövzuda tövsiyyələrini davamlı olaraq KİV vasitəsilə dövlət məmurlarının diqqətinə çatdırsa da, lakin hələ də istənilən nəticə əldə olunmayıb. Bir neçə gün əvvəl Qarabağ qazisi Habil Qasımov Conflict.az-ın redaksiyasına telefon açaraq bildirdi ki, yaşadığı Xətai rayon, Rövşən Hüseynov küçəsi, 24 nömrəli binanın cəmi 5 metrliyində hündürmərtəbəli bina inşa edilir. Binalarının qəzalı vəziyyətdə olduğunu bildirən şikayətçi əlavə olaraq qeyd etdi ki, hal-hazırda ərazidə ağırtonlu maşınlar və ekskovator işləyir. Conflct.az-ın əməkdaşı operativ şəkildə şikayətçinin dediyi ünvana yollanıb. Doğrudanda o qədər də böyük olmayan ərazidə bir neçə “Şaqman” markalı ağırtonlu avtomobillər və ekskovator işləyirdi. İnşaat meydaçansında olan şəxslərdən birinin bildirdiyinə görə tikiləcək binanın ərazisi Real Park MMC-yə məxsusdur və inşaat işlərini də məhz şirkət özü həyata keçirəcək. Nobel prospekti 187 ünvanda olan torpaq sahəsinə baxış zamanı məlum oldu ki, tikinti aparılacaq sahə ilə Rövşən Hüseynov küçəsi, 24 nömrəli binanın arasındakı məsafə şikayətçilərin dediyi kimi kifayət qədər kiçik məsafədir.

    Və hətta tikinti işçisi olmayan bir şəxs belə mövcud mənzərəni görən kimi həmən düşünə bilər ki, görəsən səlahiyyətli qurumlar bu əraziyə hündürmərtəbəli bina tikintisi üçün icazəni hansı əsasla veriblər? Axı qəbul edilən qərarlar məhz dövlət adından elan olunur. Belə çıxır ki, dövlət bir nəfər iş adamına xatır bir binanın əhalisni düşünmür? Əsla. Sadəcə tikintiyə icazə verənlər məsuliyyətlərini dərk etmirlər.

    Bir qrup bina sakinləri ilə birlikdə tikintinin aparılacağı sahəyə Real Park MMC-yə məxsus olduğu iddia edilən Nobel 187-yə yollandıq. Onu da xatırladq ki, bina sakinləri Hüseynov Məhərrəm, Bəhmənov İlqar, Həsənov Elsevər, Əliyev Fərəc, Bayramov Alim, Hacımuradov Rüstəm, Əzizov İlqar və Qasımov Habilində olduğu qrupu qara köynəkli, iri cüssəli bir şəxs qarşıladı. İlk baxışdan özündən razı insan təsiri bağışlayan bu şəxs ərazinin ona məxsus olduğunu bildirdi. “Bu mənim halal yerimdir. Kimsəyədə hər hansı sənəd təqdim etməyəcəyik. Hara istəyirsiniz yazın.” – deyə ilk bəyanatını verdi. Əməkdaşımızın özünü təqdim etməsindən sonra belə adını, vəzifəsini söyləməyə lüzum görməyən bu şəxs, bina sakinləri ilə də kifayət qədər kobud tonda danışmağa başladı. Və ən çox insanı heyrətləndirəcək son sözü bu oldu ki: “Siz kimsiniz?”. Xatırladaq ki, şikayətçilər arasında iki Qarabağ qazisi və iki şəhid ailəsidə var idi. Və bir iş adamı isə canından.qanından keçmiş 4 igidin ailə üzvlərinə sual verirdi: Siz kimsiniz? Hesab edirik ki, bu məsələ artıq daha yüksək instansiyaların nəzarətində həll olunmalıdır.

    Ərazidə olarkən şikyətçilərdən biri bildirdi ki, tikinti şirkəti ilk dəfə işə başlayanda ərazinin sahibi kimi Sabunçu RPİ-nin rəis müavini Kamran Axundovun adını hallandırdılar. Lakin sonradan rəis müavininin adının çəkilməsi kimlər tərəfindənsə yasaqlandı.
    Əməkdaşımızla söhbər zamanı şikayətçilər bildirdilər ki, ərazidə çoxlu sayda ağaclar olsada şirkət nümayəndələrinin tapşırığı ilə həmin ağaclar bir gündə kəsilib naməlum istiqamətə aparıldı. Məsələ ilə əlaqədar Ekologiya və Təbii Sərvətlər nazirliyinə məlumat verildikdən sonra nazirlyin əməkdaşları hadisə yerində olublar. Əməkdaşımız tikinti gedən ərazidən ETSN rəsmisi İradə İbrahimova ilə əlaqə saxladığı zaman nazirlik rəsmisi bildirdib ki, həmin ərazidə baş verənlərlə bağlı şikayətə əsasən araşdırma aparılır və yaxın günlərdə nəticəsi ilə bağlı ictimaiyyətə məlumat veriləcək. Onu da qeyd edək ki, Real Park MMC-nin rəhbəri olduğunu bildirən qaraköynəkli şəxsdə ETSN-in onları külli miqdarda cərimə etdiyini etiraf etdi.

    Qayıdaq Rövşən Hüseynov küçəsi, 24 nömrəli binaya. Diqqətli oxucualrın nəzərinə çatdırq ki, binanın qarşısında təxminən 5 metr enində həyət var. Bundan sonra isə istinad divarıdır. Və onu da xatırladaq ki, inşaat meydançası 24 nömrəli binadan təxminən 6-7 metr aşağıdadır. Bina sakinlərinin bildirdiyinə görə bir müddət əvvəl istinad divarında yaranmış problemi öz vəsaitləri hesabına həll ediblər. Qarabağ qazısı Habil Qasımovun bildirdiyinə görə isitnad divarındakı kiçik bir zədə binanın, sakinlərlə birlikdə 6-7 metr hündürlükdən çuxura yuvarlanmasına səbəb ola bilər. “Baş verəcək faciədən sonra atılacaq addımın kimə, hansı faydası var?” – deyə bildirən şikayətçi əlavə olaraq qeyd etdi ki, bu məsafə yeni inşa ediləcək binanın özülündən sonra daha da böyüyüəcək. Qarabağ qazisi hələ özül qazılmadan ağırtonlu maşınların təkanlarından sonra həyətdə çatlar yaranıb. “Hesab edin ki, özülün qazılmasından sonra yarancaq problem zamanı qəzalı vəziyyətdə olan binanın sakinləri 3-cü mərtəbədən yerə düşürlər.” Məntiqli sualdır.

    Əməkdaşımızn özünü şirkət rəhbəri kimi təqdim edən şəxsə “Axı inşa etdiyniz binanın tikintisindən sonra bu binanın sakinləri Günəş işığından məhrum olacaqlar. O halda bu insanlar nə etsinlər?” – sualına cavab kifayət qədər kobud oldu. “Günəşin işığnı verən Allahdır. Biz heç nə edə bilmərik.” – cavabını verdi.
    Bir zamanlar Neft şirkətinin balansında olan bina, hal-hazırda Bakı şəhər İcra Hakimiyyətnin balansındadır. Yəqin bina sahibi kimi bu qurumda məsələyə hüquqi qiymətini verəcək.

    Ərazidə olarkən bir maraqlı məqamda diqqətimizi cəlb etdi. KİV nümayəndəsinin gəlişindən sonra tikinti meydançasında işlər dərhal dayandırıldı və ağırtonlu maşınlar ərazidən uzaqlaşdırıldı. O zaman sual olunur: Əgər görülən iş qanunidirsə, görəsən hər hansı mətbuat nümayəndəsini görən kimi şirkət rəhbərliyi nədən işləri dayandırır? Deməli...

    Məlumat dərc olunarkən şikayətçilərdən biri, Qarabağ qazisi Habil Qasımov redaksiyaya telefon açaraq bildirdi ki, onlar kütləvi şəkildə Prezident Admnistrasiyasına gediblər. PA-da qəbul olunduqdan sonra Xətai rayon İcra hakimiyyətinə göndərilən şikayətçilərin nümayəndəsini RİHB-nin müavini Etibar Əhmədov qəbul edib və bildrib ki, məsələ onlarında diqqətindədir.

    "Real Park MMC" sakinləri boğaza yığıb...

    Mövzuya qayıdacağıq.
    Redaksiya məlumatda adı çəkilən qurum və ya şəxslərində cavab haqlarını tanıyır, dərc etməyə hazırdır. ///Conflict.az

    "Real Park MMC" sakinləri boğaza yığıb... - VİDEO
    PAYLAŞ:

    Oxşar xəbərlər