Asiya.az xəbər verir ki, Dilqəm Əsgərovun oğlu Kürdoğlu Əsgərov Moderator.az-a açıqlamasında deyir ki, bir həftə öncə onu Beynəxlaq Qırmızı Xaç Komitəsinin yerli ofisindən çağırıblar:
"Təxminən bir həftə öncə çağırmışdılar, məktub da yazdım orada. Bildirdilər ki, tezliklə Xankəndi ofisimizin əməkdaşları atanıza baş çəkəcəklər. Fürsətdən istifadə edib soruşdum ki, atamın saxlanma yeri dəyişdirilməyib ki? Cavab verdilər ki, hələ də Şuşada saxlanılırlar. Bu gün yenə komitə ilə əlaqə saxlayaraq təkrar atamgilin köçürülüb köçürülmədiyi ilə maraqlandım. Bildirdilər ki, hələ də Şuşada saxlanılır, amma təhlükəsizlik baxımından türmədən çıxarılıb yeraltı sığınacaqlarda saxlayırlar. Bildirdilər ki, hərbi əməliyyatlara görə hələlik Xankəndi ofisinin əməkdaşları atanızla görüşə bilmirlər, amma ona ərzaq bağlaması çatdırılıb. Onların sözlərinin nə dərəcədə həqiqəti əks etdirib etdirmədiyini bilmirəm, hər halda aldığım cavab budur".