Kəmaləddin Heydərov Zaqatalada: vəziyyətlə tanış olur

Kəmaləddin Heydərov Zaqatalada: vəziyyətlə tanış olur
  • Sosial

  • Zaqatalada dünən axşam baş verən 6 bal gücündə zəlzələ ilə əlaqədar fövqaladə hallar naziri Kəmaləddin Heydərov əraziyə gedib.

    Nazirlə bərabər Zaqatalaya Respublika Seysmoloji Xidmət Mərkəzinin rəhbəri Qurban Yetirmişli və əməkdaşları da yollanıb.

    Asiya.az xəbər verir ki, "Real" TV-yə danışan Qurban Yetirmişli bildirib ki, xidmət əməkdaşları ərazidə tədqiqat aparacaq.

    Qeyd edək ki, iyunun 5-i axşam saat 22:40 radələrində Zaqatala rayonu ərazisində baş verən 6 bal gücündə zəlzələdən sonra bir sıra evlərdə çatlar əmələ gəlib. Zaqatala İcra Hakimiyyətindən verilən məlumatra görə, zəlzələdən sonra bir neçə kənd sakininə məxsus tikililərdə və yaşayış evlərinin divarlarında çatlar əmələ gəlib. Zəlzələdən sonra insanlar arasında yaranan stress və qan təzyiqi səbəbindən Qax və Zaqatala Mərkəzi Rayon Xəstəxanalarının (MRX) Təcili Yardım Şöbələrinə çoxlu sayda müraciətlər olub.

    FHN də Kəmaləddin Heydərovun Zaqatala rayonuna səfər etdiyi barədə məlumat yayıb.

    Məlumatda bildirilir ki, nazir və nazirliyin digər rəhbər şəxsləri vəziyyətlə yerində tanış olacaqlar.
    PAYLAŞ:

    Oxşar xəbərlər