Hadisə ilə bağl Kürdmaşı kənd icra nümayəndəliyi ilə əlaqə saxladıq.
Asiya.az xəbər verir ki, icra nümayəndəsi Saleh Ağayev Yenicag.az-a açıqlamasında hadisəyə belə aydınlıq gətirib:
"Təbii ki, hadisənin əsas səbəbi hüquq mühafizə orqanları tərəfindən müəyyən olunacaq. Amma bizim əldə etdiyimiz məlumata görə, təsadüfən oğlanın əlində tüfəng açılıb və həyat yoldaşına dəyib. Deyim ki, münaqişəli ailə olmayıblar. Çünki münaqişəli ailələr icra nümayəndəliyində qeydiyyata alınıblar. Sakit, kasıb ailə olub. Qadının həyat yoldaşı Türkiyəyə gedib-gəlirdi, orada işləyib ailəsinə baxırdı. Sakit təbiətli insan olub. Anası da yaşlı, xəstə qadındır. Hazırda uşaqlar da onun yanındadır”.
S.Ağayevin dediyinə görə, rayon mərkəzində morqda olan qadının meyiti ata ocağında – Ağdaşda dəfn olunacaq:
"Qadının meyidi Ağdaşa aparılıb, orada dəfn olunacaq. Yas mərasimi də orada olacaq. Ailəsi belə qərar verib”.
Onu da öyrəndik ki, ər polis tərəfindən həbs olunub.
