72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO

72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO
  • Maraqlı

  • Deyirlər ki, qadının 3 cür yaşı olur. Biri həqiqi yaşı, biri görünən yaşı, digəri isə özünə verdiyi yaşı. İllərə meydan oxuyan Ajda Pekkana nə özü, nə də pərəstişkarları həqiqi yaşı verə bilər. Türkiyəli ulduz 72 yaşı olmasına baxmayaraq, bu yaxınlarda çimərlik geyimin şəkillərini paylaşaraq gənc və qüsursuz bədəni ilə hər kəsi bir daha təəccübləndirməyi bacardı.

    Asiya.az publika.az-a istinadən bu yazıda oxucuları sənətçinin gözəllik sirləri ilə tanış edir:

    Görüntüsü, enerjisiylə gənc qızları kölgədə qoyan ulduz gənclik sirrini düzgün qidalanmasına borcludur. Buna “Süper star” və ya Ajda Pekkan pəhrizi deyilir. Sağlamlığını və gözəlliyini qorumaq üçün qidalanmasına maksimum diqqət göstərən məşhurun pəhrizini Ender Saraç hazırlayıb. Məşhur dietoloq uzun illərdir ki, ulduzun qidalanma rejimini diqqətdə saxlayır.

    "Süperstar pəhrizi" adı verilən bəslənmə proqramına bol miqdarda yağsız ağ zülal (ət), mineral su və yaşıl çay daxildir. Həmçinin Pekkanın şəfalı bitkilərdən hazırlanan təbii həblər istifadə etdiyini və sintetik heç bir şeyi həyatına daxil etmədiyini vurğulayır.

    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO

    Ender Saraçın sözlərinə görə, Ajda Pekkanın qidalanma proqramı digər pəhrizlərdən kəskin fərqlənir:

    “Sadəcə iki qoz və bir almadan ibarət deyil, bütöv bir sistemdir. Bu, bir paket proqramdır. Məşqlər, masajlar, bitkilərdən hazırlanan təbii həblər, zərdablar, vitaminlər, bitki və ədviyyat çayları pəhrizə daxil edilir. Tamamilə təbiidir. Sintetik və kimyəvi heç nə istifadə etmir.

    Fikir versəniz, görərsiniz ki, son 2 ildə Ajdanın bədən quruluşu və təbii gözəlliyi ön plana çıxıb. Əslində çox arıqlamayıb. Amma bədənini formaya salıb, daha çox yağ yandırıb keyfiyyətli, toxumaları qoruyub və sayını artırıb. Xüsusilə qarın və bel ətrafındakı yağları azaldıb.

    Proqramın əsas özəlliyi bədən yaşını gəncləşdirməkdir. Son konsertlərində müzakirə edilən ideal ayaqları da bu sistemin əsəridir. Ayaqlarında heç bir cərrahi və ya kimyəvi müdaxilə yoxdur. Bu görüntü doğru, təbii və düzgün qidalanmanın nəticəsidir”.

    Şokolad yeyir


    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO

    Ajda Pekkan qidalanması haqqında bunları deyib: “Əslində şirniyyatı çox sevirəm. Şirniyyat istədikdə tünd şokolad yeyirəm. Hər səhər bir stəkan süd, yulaf əzməsi, darçın və bal yeyirəm. Səhərlər yaşıl çay içirəm. Bir də ilıq suya yarım xörək qaşığı doşab və limon sıxaraq hazırladığım qarışığı içirəm".

    Səhər yeməyi çox mühümdür

    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO

    “Post”a qəzetində verdiyi müsahibədə Ajda Pekkan klassik türk səhər yeməyini sevdiyini də açıqlayıb. Səhər adətən 11-də oyanan ulduzun yeməyi məcməyi içində yatağına gəlir. Bu məcməyidə kiçik pendir növləri, pomidor, cəfəri, yaşıl bibər, orqanik bal, mürəbbə və müxtəlif taxıl çörəyi növləri olur. Bəzən bunlara yarım smit də əlavə oluna bilir. İdman edəcəyi gün mədəni boş saxlamaq və rahat hərəkət etmək üçün müsli yeyir. İdmandan sonra yumurta ağı ilə bişirilən cəfəri qayğanağına üstünlük verir.

    Gənclik illərində etdirdiyi saysız-hesabsız estetik əməliyyatlarla məşhurlaşan müğənni məsələyə belə münasibət bildirib:

    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO

    "Şöhrətin zirvəsində olduğun zaman insanlar sənin başqa üsullarla gözəlləşdiyini, yemək yemədən yaşadığını, gündə üç saat idman etdiyini, bəzi kosmetik və estetik müdaxilələrlə gözəl qaldığını güman edirlər. Təbii ki, kosmetik müdaxilələr aparılır, çünki insan illərlə bu işdə olanda viran olur. 17 yaşımdan bəri çalışıram, amma bütün bunları yalnız estetiklə damğalamaq səhvdir.

    Məşhursansa haqqında çoxlu əfsanələr dolaşacaq. Məsələn, deyirlər ki, gündə dörd saat idman edirəm. Əgər hər gün o qədər idman etsəydim, yaşamazdım. Döşlərdə estetik əməliyyat var, ayaqlarda əlbəttə ki, yoxdur. Mən də insanam, mənim də sellülitlərim var".

    Bişmiş yemək qoxusuna dözə bilmir, çiy qidalanır


    Ajda Pekkanın son zamanlarda dəbə minən “raw food” yəni çiy qidalanmaya üstünlük verir. Yeri gəlmişkən, o, bişən yemək qoxusuna nifrət edir. Soğan qızartmasının qoxusuna qarşı fobiyası var. İddialara görə, ulduzun evdə çalışan işçiləri bir gün lahmacun sifariş verib, soğanın qoxusundan narahat olan Ajda Pekkan əsəbiləşərək gecəni hoteldə keçirməli olub.

    Ajda Pekkan milli türk yeməklərini sevməsinə baxmayaraq, onlardan uzaq durmağa çalışır və çiy qidalanır. Pekkanın menyusunda göyərtilər də böyük yer tutur.

    Ölümsüzlik iksiri

    Deyilənlərə görə, Ajdanın gənc görünməsinin digər sirri Tailandda kəşf etdiyi iksirdir. Vikinq Mağarasının yaxınlığında, okean suyu və bir çox fərqli bitkilərlə hazırlanan bu xüsusi içki xalq arasında ölümsüzlük iksiri kimi tanınır.

    Bir litri 500 min dollar olan iksir 50 mml şüşələrdə satılır. Ajda Pekkan şüşəsi 25 min dollarlıq bu xüsusi içkini ildə orta hesabla 2 dəfə istifadə edir. Ölümsüzlük iksiri adlandırılan içkinin bütün hüceyrələri təzələdiyi və insana enerji verdiyi iddia edilir. Tailandda satılan içkidən dünya şöhrətli bir çox siyasətçi, idmançı, aktyor və müğənnilərin də içdiyi bildirilir.


    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO
    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO
    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO
    72 yaşlı Ajda Pekkan niyə qocalmır? - İnanılmaz SİRLƏR və ÖLÜMSÜZLÜK İKSİRİ - FOTO
    PAYLAŞ:

    Oxşar xəbərlər