Bayram Səfərov vəzifəsindən getdi

Bayram Səfərov vəzifəsindən getdi
  • Siyasət, Manşet

  • Dağlıq Qarabağın Azərbaycanlı İcmasının yeni idarə heyəti təsdiq edilib.

    Asiya.az xəbər verir ki, icmanın bu gün keçirilən qurultayında 23 nəfərdən ibarət yeni idarə heyəti təsdiq edilib.

    Qurultayın yekun qərarına əsasən, Xarici İşlər Nazirliyinin əməkdaşı Tural Gəncəliyev icmanın sədri seçilib. Asif Cahangirov isə icra heyətinin sədrinin müavini vəzifəsinə seçilib. Digər müavin isə Qarabağ Araşdırmalar Mərkəzinin sədri Elçin Əhmədov olub.

    Qeyd edək ki, bu günə kimi Dağlıq Qarabağın Azərbaycanlı İcmasına Şuşa Şəhər İcra Hakimiyyətinin başçısı Bayram Səfərov sədrlik edirdi.

    Modern.az-ın məlumatına görə, Tural Gəncəliyev 1980-ci ildə Şuşa şəhərində anadan olub. Ali təhsillidir. Bakı Dövlət Universitetini Hüquqşünaslıq ixtisası üzrə bitirib. Azərbaycan Respublikasının İnsan Hüquqları üzrə Müvəkili - Ombudsman Aparatında və Xarici İşlər Nazirliyində müxtəlif vəzifələrdə çalışıb.

    Hazırda XİN-in Beynəlxalq Hüquq və Münasibətlər İdarəsinin birinci katibi vəzifəsində çalışır.
    PAYLAŞ:

    Oxşar xəbərlər