Makqreqor həbs olunub

Makqreqor həbs olunub İrlandiyalı MMA (qarışıq əlbəyaxa döyüş növləri) ustası Konor Makqreqor ABŞ-ın Florida ştatında həbs olunub.

Asiya.az xəbər verir ki, bu barədə "MMA Fighting” portalı məlumat yayıb.

O, ikinci dərəcəli silahlı qarət və üçüncü dərəcəli xuliqanlıqda təqsirli bilinir.

Yerli polis idarəsinin məlumatına görə, idmançı Mayami-Biç rayonunun "Fountainebleu” hoteli qarşısında öz pərəstişkarının üzərinə atılaraq, onun smartfonunu əlindən alıb. Daha sonra mobil cihazı ayaqları altında tapdalayaraq, qalıqlarını özü ilə aparıb.

Xatırladaq ki, martın 9-da Makqreqor 2018-ci ildə (aprel ayında) UFC döyüşçüləri ilə dolu avtobusa hücumuna görə məhkum olunduğu ictimai işləri başa çatdırmışdı. O, beş gün ərzində Nyu-Yorkun iki kilsəsində icbari əməklə məşğul olub.

Onun qəzəbin idarə olunması üzrə psixoloji hazırlıqdan keçdiyi bildirilir.

Oxşar xəbərlər