"Avro 2020": Millimiz Xorvatiya ilə heç-heçə edib

AVRO-2020-nin seçmə mərhələsi çərçivəsində keçiriləcək Azərbaycan – Xorvatiya oyununun heyətləri açıqlanıb.

Asiya.az-ın məlumatına görə, bu gün üz-üzə gələcək komandalar matçda iştirak edəcək futbolçuları müəyyənləşdiriblər.

Məşqçilər korpusu ilk "11-lik”lərini və ehtiyatda qalacaq futbolçuları oyunun protokoluna daxil ediblər. Bu futbolçular Bakıdakı "Bakcell Arena” stadionundakı qarşılaşmada şans qazanacaq.

Xorvatiya ilə matç millimizin baş məşqçi Nikola Yurçeviçin yetirmələrinin seçmə mərhələdə 5-ci oyunu olacaq. Bunadək komandamız səfərdə Xorvatiya və Uelsə eyni – 1:2, evdə Macarıstana 1:3, Slovakiyaya 1:5 hesabı ilə uduzub.

Xorvatiyalı mütəxəssislər – N.Yurçeviç və onun həmyerlisi Zlatko Daliç E qrupunun VI turunun saat 20:00-da başlayacaq qarşılaşmasında heyətə aşağıdakı futbolçuları daxil ediblər.

AVRO-2020-nin seçmə mərhələsi

E qrupu, VI tur
9 sentyabr

20:00. Azərbaycan – Xorvatiya

Baş hakim: Sandro Şarer (İsveçrə)

Azərbaycan: 12. Emil Balayev, 2. Qara Qarayev, 3. Şəhriyar Rəhimov, 5. Maksim Medvedev (k), 6. Bəhlul Mustafazadə, 10. Mahir Emreli, 11. Ramil Şeydayev, 13. Dmitri Nazarov, 18. Anton Krivotsyuk, 21. Pavel Paşayev, 22. Cavid Hüseynov

Ehtiyat oyunçular: 1. Səlahət Ağayev, 23. Şahruddin Məhəmmədəliyev, 7. Araz Abdullayev, 8. Emin Mahmudov, 9. Ağabala Ramazanov, 14. Rəşad Eyyubov, 15. Ömər Buludov, 16. Rüfət Dadaşov, 17. Renat Dadaşov, 19. Təmkin Xəlilzadə, 20. Riçard Almeyda

Baş məşqçi: Nikola Yurçeviç

Xorvatiya: 1. Dominik Livakoviç, 3. Borna Barişiç, 4. İvan Perişiç, 6. Deyan Lovren, 10. Luka Modriç (k), 11. Marselo Brozoviç, 13. Nikola Vlaşiç, 18. Ante Rebiç, 20. Bruno Petkoviç, 21. Domaqoy Vida, 22. Karlo Bartoleç

Ehtiyat oyunçular: 12. Lovre Kaliniç, 23. Simon Sluqa, 2. Miyo Çaktaş, 5. Matey Mitroviç, 7. Yosip Brekalo, 8. Marko Roq, 9. Mislav Orşiç, 14. Mile Şkoriç, 15. Mario Paşaliç, 16. Tin Yedvay, 17. Dario Melnyak, 18. Milan Badel

Baş məşqçi: Zlatko Daliç

Bakı. "Bakcell Arena” stadionu

***
Futbol üzrə Avropa çempionatının seçmə mərhələsi çərçivəsində "Bakcell Arena"da keçirilən Azərbaycan-Xorvatiya oyununun ikinci hissəsi başlayıb.

İsveçrəli baş hakim Sandro Şörerin idarə etdiyi oyuna Xorvatiya millisi daha fəal başlayıb. Matçın 11-ci dəqiqəsində yığmamızın qapısına təyin olunmuş 11 metrlik cərimə zərbəsini Luka Modriç dəqiq yerinə yetirərək komandasını hesabda önə çıxarıb. Birinci hissənin sonundadək futbolçular təhlükəli vəziyyətlər yaratdılar da, top qapıdan keçməyib. Beləliklə, matçın birinci hissəsi Xorvatiya yığmasının üstünlüyü ilə yekunlaşıb -1:0.

***
Meydana ikinci hissədə daxil olan Təmkin Xəlilzadə bütün Xorvatiya müdafiəsini tar-mar edərək hesabı bərabərləşdirdi.

***
Avro-2020-nin seçmə mərhələsi çərçivəsində keçirilən Azərbaycan - Xorvatiya oyunu 1:1 hesabı ilə başa çatıb.

AZXEBER.COM xəbər verir ki, millimiz bununla da qrupda ilk xalını son dünya ikincisindən alıb.

Qeyd edək ki, dörd il əvvəl də "Bakcell Arena"da yığmamız Xorvatiya ilə sülh bağlamışdı - 0:0. Həmin nəticədən sonra xorvatların baş məşqçisi Niko Kovaç istefa vermişdi.

Oxşar xəbərlər