Asiya.az xəbər verir ki, Ərzurum bələdiyyə başqanı Mehmet Sekmen soyuq aylarda insanların işinə yarayacaq addım atdığını düşünür. Dövlət məmuru “Abdurrahman Qazi” qəbiristanlığında 800 məzar qazdırıb.
Sekmen qərarını Ərzurumun qışının sərt keçməsi ilə izah edib. Onun sözlərinə görə, bəzən temperatur -30 dərəcəyə çatır: “Qışda torpaq daş kimi olur. Qarın qalınlığı bir metrə çatır. Payızda qəbir qazırıq ki, qışda əziyyət çəkməyək”.
Bələdiyyə işçiləri indi çox əziyyət çəkdiklərini gizlətmir. Amma qışda işləri çox rahat olur. İşçilərdən biri deyir ki, qışda 1 qəbir hazırlamaqdansa, payızda 10 məzar qazmaq yaxşıdır.
