Asiya.az xəbər verir ki, bu barədə İranın Qırmızı Aypara Cəmiyyəti məlumat yayıb.
Noyabrın 12-də İran və İraq sərhədində 7,2 maqnituda gücündə zəlzələ baş verib. Zəlzələ nəticəsində artıq 211 nəfərin həlak olduğu açıqlanıb. 1600-dən çox insanın yaralandığı bildirilir.
Şimali İraqın Süleymaniyə və Halepçe şəhərlərində də 7,3 bal gücündə zəlzələ baş verib. İraq mənbələrinin məlumatına görə, 7 nəfər həlak olub, 235 nəfər yaralanıb.
Türkiyə mənbələrinin yaydığı məlumatda bildirilir ki, zəlzələ Türkiyənin Şərqi və Cənub-şərqi Anadolu bölgəsində, Suriya, Küveyt, Azərbaycan və Birləşmiş Ərəb Əmirliklərində də hiss edilib.
İranın güclü zəlzələ baş vermiş Kirmanşah əyalətində məktəblər bağlanıb.
Asiya.az Trend-ə istinadla xəbər verir ki, məktəblərin neçə gün bağlı olacağı hələ bildirilmir.
Bundan əvvəl əyalətdə 3 günlük matəm elan olunub.
Qeyd edək ki, ötən gün axşam saatlarında İran-İraq sərhədində baş vermiş güclü zəlzələ nəticəsində İranın qərb əyalətlərində, o cümlədən Kirmanşahda ölənlərin sayı 211-ə çatıb, təqribən 1700 nəfər xəsarət alıb.
