Qubanın yeni icra başçısı ilə bağlı maraqlı fakt

Qubanın yeni icra başçısı ilə bağlı maraqlı fakt Qubanın yeni təyin edilən icra başçısı Ziyəddin Əliyevin bioqrafiyası barədə Rayon İcra Hakimiyyətinin rəsmi saytına heç bir məlumat yerləşdirilməyib.

Asiya.az axar.az-a istinadən xəbər verir ki, Yaşar Məmmədovun yerinə təyinat alan Z.Əliyev prezident tərəfindən "Əməkdar mühəndis" adı ilə təltif edilib.

Amma onun əvvəlki iş yeri olan Azəravtoyol ASC-də hansı vəzifəni daşıdığı haqda da heç bir informasiya yoxdur.

Yalnız internet resurslarında axtarış apararkən 2013-cü ildə "Respublika" qəzetində çap olunmuş məqalədə məlum olur ki, həmin ilin fevralında Z.Əliyev "Azəryolservis” ASC 81 saylı Yol-istismar idarəsinin rəisi təyin olunub.

Bu idarə Binəqədi rayonunda yolların asfaltlanması, təmir-tikintisi, genişləndirilməsi ilə məşğuldur.


Oxşar xəbərlər