Asiya.az xəbər verir ki, aksiya çərçivəsində 1700 ədəddən çox Eldar şamı, Tuya, Geparis (düz qalxan yolka) və müxtəlif növ meyvə ağacları Ərkivan-Boradigah və Ərkivan-Qəriblər avtomobil yolunun kənarında əkilib.
Masallı Rayon İcra Hakimiyyəti başçısının Ərkivan qəsəbə inzibati ərazi dairəsi üzrə nümayəndəsi İsrail Tağıyev Asiya.az-a bildirib ki, aksiya Novruz bayramına kimi davam etdiriləcək. Bundan sonra da qəsəbənin müxtəlif yerlərində 300-dən çox ağac əkilməsi nəzərdə tutulub.
Bundan savayı Cəfər Cabbarlı adına Ərkivan qəsəbə 1 saylı tam orta məktəbinin 1984-cü il məzunları təhsil aldıqları orta məktəbin həyətində onlarla müxtəlif növ meyvə və dekorativ ağac əkiblər.