Hərbi Prokurorluqdan kapitanın intiharı barədə - Açıqlama

Hərbi Prokurorluqdan kapitanın intiharı barədə - Açıqlama
  • Hadisə

  • Hərbi Prokurorluq Daxili Qoşunların xüsusi təyinatlısı, kapitan Alim Məmmədovun intiharı ilə bağlı açıqlama verib.

    Asiya.az
    xəbər verir ki, Hərbi Prokurorluğun Mətbuat Xidmətindən verilən məlumata görə, 30 yanvar 2021-ci il tarixdə Daxili İşlər Nazirliyinin Daxili Qoşunlarının N saylı hərbi hissəsinin hərbi qulluqçusu, kapitan Məmmədov Alim Nazim oğlunun həmin gün odlu silahdan atəş açmaqla özünü öldürməsi barədə Sumqayıt hərbi prokurorluğuna məlumat daxil olub.

    Fakt üzrə Sumqayıt hərbi prokurorluğunda Azərbaycan Respublikası Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılaraq şahidlər dindirilib, müvafiq ekspertizalar təyin edilib və təxirəsalınmaz zəruri istintaq hərəkətləri həyata keçirilib.

    Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin ediləcək.
    PAYLAŞ:

    Oxşar xəbərlər