Asiya.az saytının məlumatına görə, son 16 ildə ilk dəfə 1/4 final mərhələsi Kriştiano Ronaldo və Lionel Messisiz keçiriləcək.
Hər iki əfsanənin komandası mübarizəni 1/8 finalda dayandırıb. Ronaldo və Messinin heç birinin olmadığı 1/4 finala sonuncu dəfə 2004/05 mövsümündə təsadüf edilib.
Həmin vaxt Messili “Barselona” 1/8 finalda “Çelsi”yə (2:1, 2:4), Ronaldolu “Mançester Yunayted” “Milan”a (0:1, 0:1) uduzmuşdu.
Qeyd edək ki, cari mövsümün 1/8 finalında “Barselona” PSJ (1:4, 1:1), “Yuventus” “Porto” (1:2, 3:2) səddini keçə bilməyib.
