Qorxmaz Hüseynovun “sağ əli”nin “Gəncə layihəsi”

Qorxmaz Hüseynovun “sağ əli”nin “Gəncə layihəsi”
  • Araşdırma / Cəmiyyət

  • “Azərsu” Açıq Səhmdar Cəmiyyətinin (ASC) sabiq sədri Qorxmaz Hüseynovun rəhbərliyi altında uzun illər ərzində həyata keçirilmiş yeyinti və maliyyə maxinasiyaları ilə bağlı araşdırmalara başlanıb.

    Asiya.az
    xəbər verir ki, bu barədə Sfera.az xəbər yayıb.
    Bildirilir ki, ortaya ciddi faktlar çıxıb, hətta araşdırmaların artıq ilk qurbanları da var: “Belə ki, bu günlərdə Qorxmaz Hüseynovun ən yaxın kadrlardan biri sayılan Elman Məmmədov və onun cinayət ortağı olan daha bir şəxsin saxlanması belə düşünməyə əsas verir”.
    Məlumata görə, “Azərsu”da daha bir neçə şəxsin istintaqa cəlb ediləcəyi gözlənilir. Onlardan biri isə “Azərsu” ASC-nin sabiq sədri Qorxmaz Hüseynovun “sağ əli” kimi tanınmış, “Azərsu” ASC-nin sədr müavini Etibar Məmmədovdur. “Bu həmin Etibar Məmmədovdur ki, uzun illər “Azərsu” ASC-nin həyata keçirdiyi əksər “çörəkli” layihələrin baş rol ifaçısı olub. Tikinti-təmir işlərindən tutmuş, yeni su xətlərinin çəkilişinə qədər bütün layihələrdən küllü miqdarda vəsaitlərin “yoxa çıxması” isə bu məsələlərdə iştirakı şübhə doğurmayan Etibar Məmmədovu diqqət mərkəzinə gətirir. Əsaslı vəsait qoyuluşu üzrə dövlət büdcəsindən və digər maliyyə mənbələrindən ayrılmış vəsaitin idarə edilməsində yol verilmiş nöqsanların miqyası isə o qədər böyükdür ki, Etibar Məmmədovun canını rahatlıqla qurtaracağı inandırıcı görünmür”, – deyə xəbərdə bildirilir.

    Bildirilir ki, Qorxmaz Hüseynovla Etibar Məmmədovun işbirliyi nəticəsində çoxsaylı mənimsəmə faktları var. Onlardan ən diqqətçəkənlərdən biri isə Gəncə şəhərinin su təminatını yaxşılaşdırmaq məqsədilə həyata keçirilmiş layihəni qazanc mənbəyinə çevirməkləridir. Bu layihədə ciddi korrupsiya faktlarının olduğu deyilir, hətta bu barədə hüquq mühafizə orqanlarına da məlumatın verdildiyi bildirilir.
    Məlumatda qeyd olunur ki, bir neçə il qabaq Gəncənin su təminatını yaxşılaşdırmaq məqsədilə dövlət büdcəsindən ayrılan vəsaitlə Şəmkirdə yeni salınan su anbarından Gəncəyə 1400 mm qalınlığı olan polad borularla su çəkilib: “Həmin boru istifadəyə veriləndən sonra Gəncənin su təsərrüfatı xeyli yaxşılaşmışdı. Amma necə deyərlər, sən saydığını say, gör Qorxmaz Hüseynovla Etibar Məmmədov nə sayır… Bu həmin ərəfələr idi ki, hazırda həbsdə olan Şəmkirin sabiq icra başçısı Alimpaşa Məmmədov balıq biznesi, daha doğrusu, Şəmkirdə Forel təsərrüfatı qurmaq qərarına gəlmişdi. Aydın məsələdir ki, belə bir təsərrüfatı davamlı su mənbəyi olmadan reallaşdırmaq mümkün deyildi. Elə bu anda Alimpaşanın yardımına “Azərsu” ASC-nin sədr müavini Etibar Məmmədov çatır. Belə ki, Gəncəyə getməli olan su tədricən borulardan balıq təsərrüfatına yönəldilməyə başlayır”.

    Şikayətçilər deyirlər ki, böyük ehtimalla Alimpaşa Məmmədovun istintaqı zamanı bir çox digər məqamlarla bağlı bu məsələ də araşdırılacaq: “Bu zaman isə izlər Etibar Məmmədovun üzərinə gətirdiyindən onun işin içindən salamat çıxacağı şübhə doğurur. “Azərsu” ASC sədrinin müavini isə təkcə bu qanunsuzluqla yetinməyib. Onun müəllifliyi ilə həyata keçirilmiş digər yeyinti və mənimsəmə faktları ilə bağlı da məlumatlar var”.

    “Azərsu” ASC və Etibar Məmmədov xəbərə münasibət bildirməyib.
    PAYLAŞ:

    Oxşar xəbərlər