Ev yanıb, 80 yaşlı sahibəsi isə yanaraq ölüb.
Yanğın hadisəsi bu gün səhər saatlarında Masallı rayonunun Qızılağac kəndində baş verib.
Yanğın zamanı ölən Cənnət Ələkbərova yataq xəstəsi olub. Onun evdə tək yaşadığı bildirilir.
Yaxınları yanğından xəbər tutduqda isə artıq gec olub.
Qadının meyiti yanğınsöndürənlər tərəfindən aşkar edilərək aidiyyəti üzrə təhvil verilib. Baş vermiş hadisə ilə əlaqədar müvafiq qurumlar tərəfindən təhqiqat işləri aparılır.
