Arif müəllim haqqında istedadlı televiziya rejissorumuz Elnurə Kazımova tərəfindən çəkilən "Arif Əziz Bəyaz" sənədli televiziya filmindən də onun yaradıcılığı müəyyən anları ilə daha geniş tanış olmuşduq.
Onun çox şaxəli yaradıcılığı həmişə diqqətimizdə olub. Xüsusilə ağ rəngin və onun sintezili harmoniyasının öz əsərlərində, ruhunda ehtiva edən rəssama "Bəyaz" adını Türk sənət dünyasında veriblər.
Rəssamımızın əvvəlki yaradıcılığını və əsasən də yeni düşüncələri sayilan pandemiya dövründən sonra işlədiyi əvəzsiz sənət əsərləri xüsusilə "Xarı Bülbül", "Dəmir Yumruq" və s. kompozisiyalarını, zövqlə seyr etdik.
Arif müəllimlə olan yaradıcı söhbələr bizə çox xoş oldu. Dəyərli sənətkar, yaradıcı ruhunuza işıq, qələm-rənglərinizə güc və parlaqliq, canınıza sağlıq diləyirik və, yorulmayasınız deyirik.
Biz müdriklik yaşında olan Sənətkarımızın sənət düşüncələrini, orta əsrlər ədəbiyyatımızın əvəzsiz tədqiqatçısı - həyat, əqidə, məslək yoldaşınız, professor Fəridə xanımın söhbətləri ilə də ədəbi dünyamıza da səyahət etdik, zövq aldıq.
Yeni yeni yaradıcılıq uğurları arzusu ilə yeni və gözəl əsərlərinizlə möhtəşəm sərgilərdə görüşək dəyərli Arif Əziz Bəyaz...
Qənirə Paşayeva,
Milli Məclisin Mədəniyyət Komitəsinin sədri