AZXEBER.COM xəbər verir ki, Zelenski Rusiya prezidenti Putinlə yaxın münasibətdə olan ukraynalı müxalifət lideri Viktor Medvedçukun saxlanıldığını bildirib.
Zelenski saxlanılan Medvedçuku vermə qarşılığında Rusiyadan müharibə zamanı əsir düşən ukraynalıları istəyib:
"Mən Rusiya Federasiyasına təklif edirəm ki, Medvedçuku ruslar tərəfindən əsir götürülən ukraynalılarla dəyişdirsin. Qoy bizim hüquq-mühafizə orqanlarımız, ordumuz bunları nəzər alsın”.
Qeyd edək ki, 67 yaşlı Medvedçukun Rusiya Prezidenti Vladimir Putinlə yaxın münasibətlərə sahibdir. O, 2004-cü ildə Putinin kiçik qızı Dariyanın xaç atası olub. Medvedçuk 2002-2005-ci illərdə Ukrayna Prezident Administrasiyasının rəhbəri, 2000-2001-ci illərdə Ali Radanın birinci vitse-spikeri, 1998-2000-ci illərdə Ali Radanın vitse-spikeri olaraq çalışıb. O, həmçinin Ukrayna Ali Radasının II, III, IV, IX çağırış deputatı olub.
Medvedçuk 2021-ci ilin mayında dövlətə xəyanətdə şübhəli bilinərək ev dustaqlığına məhkum edilib. O, ölkədə müharibə başlayandan sonra ev dustaqlığından qaçmışdı.
Aydın Nuri
