Asiya.az xəbər verir ki, Sərgidə gənc rəssamın Qarabağ zəfərinə həsr olunmuş 44 əsəri sərgilənirdi . Sərgini layihə rəhbəri Elnurə İsgəndərova açdı. Öncə ilk fərdi yaradıcılıq sərgisi münasibətilə gənc rəssamı təbrik etdi və əsərlər haqqında məlumat vermək üçün sözü səbəbkara verdi. Fidan Rüstəmzadə öz növbəsində sərginin təşkilində zəhməti olan hər kəsə təşəkkür edərək, əsərləri haqqında geniş məlumat verdi. Çıxışçılardan Mədəniyyət Nazirliyinin əməkdaşı Lalə Azəri , Mərdəkan Mədəniyyət Sarayının əməkdaşı Kübarə xanım, GALERA Sənət Mərkəzinin direktoru Mənsur Əsgərli, ADRAİK - nin və ADPUPK - nin müəllimi Rəsmiyyə Mahmudova, modelyer Bahar xanım, fəxri qonaq Xədicə xanım, rəssam Səmədov Xəyyam , rəssam Elmira Ələkbərova çıxışlarında gənc rəssama uğurlar arzuladılar. Sonda gənc rəssamın atası Yalçın müəllim və anası Vəfa xanım sərgidə iştirak edən hər kəsə təşəkkür etdilər. Rəsmi hissə bitdikdən sonra Bədii hissədə Asəf Zeynallı adına Musiqi Kollecinin tələbələrindən ibarət "East or West" gənc ifaçılar qrupu xüsusi hazırladıqları "Göygöl" kompazisiyası və Tofiq Quliyevin "Vals" əsərini möhtəşəm ifa etdilər. Sonra qonaqlar furşetə və rəssam tortu ətrafına dəvət olundular. Xatırladaq ki, sərgini Ağdam Rayonun İcra Hakimiyyətinin başçısı Vaqif Həsənov və Ağdam rayon ziyalıları da ziyarət etdilər.
