Sakinlər bildirir ki, zavodun ağır texnikası və yük maşınları gecə saat 2-3 radələrində qazıntı işləri aparır və torpaq daşıyır:
“Yük maşınlarının səsindən yatmaq olmur. Evlərimiz silkələnir”.
Qazıntı işləri səbəbindən ərazidə dərin və böyük çökəklik, dərə əmələ gəlib. Kənd camaatı heyvanını otarmağa yer tapmır. Mal-qaranı örüşə buraxmağa da ehtiyat edirlər. İşlərinə mane olmaq üçün bir neçə dəfə kənd camaatı yolu kəsib. Lakin müəssisə rəhbərliyi əraziyə polis göndərərək kənd sakinlərini ərazidən uzaqlaşdırıb. Camaata bildirilib ki, ərazidə qazıntı aparmaq və torpaq daşımaq üçün əllərində rəsmi sənəd var. Kənd sakinləri bildirir ki, qış aylarında bu ərazilərə yağıntı çox düşür. Belə olduğu təqdirdə ərazidə sürüşmə olma ehtimalı yüksəkdir. Qazılmış dərəyə dəfələrlə kənd camaatının heyvanı düşərək tələf olub. Yaralanmış heyvanı isə oradan çıxarmaq mümkün olmur.
Xatırladaq ki, bu ilin fevral ayında Balakən rayonu ərazisində yerləşən qum-çınqıl yataqlarında yerin təkinin qorunması və istifadə edilməsi qaydalarının pozulması səbəbindən “Balakən Kərpic İstehsalı Müəssisəsi” MMC rəhbəri əsgər Əsgərov 1 milyon 137 min manat cərimə edilib.
Nigar
Balakən Rayon İcra Hakimiyyəti məsələ ilə bağlı "Asiya.az"-a aşağıdakı açıqlamanı verib.
"Bildiririk ki, “Yerli İcra Hakimiyyətləri haqqında Əsasnamə”nin 3.3.4. və 4.16.3. bəndlərinə əsasən nəzarət tədbirləri həyata keçirildikdə vətəndaşlara məxsus xüsusi mülkiyyət (pay) torpaq sahələrində torpaq sahəsinin üst münbit qatının qazılaraq kərpic istehsalı üçün daşınması halları müşahidə oluduğundan aidiyyatı orqanlarla birgə (Ekologiya və Təbii sərvətlər Nazirliyi, Əmlak Məsələləri Dövlət Xidməti) tədbirlər görülmüşdür.
Azərbaycan Respublikasının Baş Prokurorluğunda 2022-ci ilin iyul ayında Azərbaycan Respublikası Cinayət Məcəlləsinin 188.1., 255.1. və 308.1.-ci maddələri ilə kərpic istehsalı müəssisələrinə cinayət işi açılaraq müvafiq tədbirlər görülmüşdür.
Sonuncu dəfə analoji hal torpaq daşınması müşahidə olunduğundan dərhal tərəfimizdən 7 saylı Regional Ekologiyavə Təbii Sərvətlər İdarəsinə 01-1709 saylı, 04.11.2022-ci il tarixli, Kərpic istehsalı müəssisəsinin icraçı direktoru Əsgər Əsgərova 01-1708 saylı, 04.11.2022-ci il tarixli, torpaq sahəsinin mülkiyyət sahibinə isə 02-1603 saylı, 17.10.2022-ci il tarixli məktub göndərilmişdir.
Aidiyyəti orqanlarla birgə tərəfimizdən nəzarət tədbirləri davam etdirilir."
Azərbaycan Respublikasının Baş Prokurorluğunda 2022-ci ilin iyul ayında Azərbaycan Respublikası Cinayət Məcəlləsinin 188.1., 255.1. və 308.1.-ci maddələri ilə kərpic istehsalı müəssisələrinə cinayət işi açılaraq müvafiq tədbirlər görülmüşdür.
Sonuncu dəfə analoji hal torpaq daşınması müşahidə olunduğundan dərhal tərəfimizdən 7 saylı Regional Ekologiyavə Təbii Sərvətlər İdarəsinə 01-1709 saylı, 04.11.2022-ci il tarixli, Kərpic istehsalı müəssisəsinin icraçı direktoru Əsgər Əsgərova 01-1708 saylı, 04.11.2022-ci il tarixli, torpaq sahəsinin mülkiyyət sahibinə isə 02-1603 saylı, 17.10.2022-ci il tarixli məktub göndərilmişdir.
Aidiyyəti orqanlarla birgə tərəfimizdən nəzarət tədbirləri davam etdirilir."