Asiya.az xarici mediaya istinadən xəbər verir ki, şirkətdən ayrıldıqdan dörd ildən çox vaxt keçdikdən sonra "İnstagram” yaradıcıları Kevin Systrom və Mike Krieger yeni proqramla geri qayıdırlar.
Kevin Systrom və Mike Krieger süni intellektlə təchiz edilmiş "fərdiləşdirilmiş xəbər lentləri" vəd edən "Artifact” proqramının istifadəyə verildiyini elan ediblər.
İnstaqram səhifəsində Krieger bildirib ki, o və Systrom bu xidməti işə salmaq üçün bir ildən çox müddət ərzində bacarıqlı komanda ilə çalışıb.
Yenilik haqda ilk məlumata görə, "Artifact” maraqlara əsaslanan məzmun təklif edəcək və dostlarla müzakirəyə icazə verəcək.
