Azərbaycanda 6 günlük körpə oğurlanaraq su quyusuna atılıb- Yenilənib

Azərbaycanda 6 günlük körpə oğurlanaraq su quyusuna atılıb- Yenilənib
  • Manşet / Hadisə

  • Lənkəranda 6 günlük körpənin ölümü ilə bağlı bəzi təfərrüatlar məlum olub.

    “Report” un verdiyi xəbərə görə həyətdəki su quyusuna atılaraq boğulan körpənin bu gün altıaxşam şadlıq məclisi olmalı imiş. Belə ki, ailə üzvləri lənkəranlı olsalar da Bakıda yaşayır. Lənkərana da digər yaxın qoumlarla birlikdə gəliblər. Ümumiyyətlə hadisə baş verən gecə, yəni 29 iyul tarixində evdə öldürülən körpənin atası Nuriyev Şaiq Muxtar oğlu, həyat yoldaşı Nuriyeva Valiyə İsfəndiyar qızı, körpənin nənəsi Atifə Nuriyeva və 10-a yaxın digər yaxın qohumlar olub. Anasının yedizdirdikdən sonra yuxuya getdiyi zaman beşikdən yoxa çıxan uşağın üstü taxta və daşla bağlı olan su quyusunda axtarılmasının atanın ağlına gəlməsi müəyyən şübhələr yaradır. Bu körpənin ailədə dörd ildən sonra dünyaya gələn təkrar qız övladının olması da ailədə bu qız uşağının dünyaya gəlişinə sevinməyənlərin olduğunu fikirləşməyə əsas verir. Elə bu səbəbdən də artıq bir neçə nəfər ifadəsi alınması üçün sorğuya alınıb.

    Qeyd: Bu körpə sərbəst güləş üzrə milli yığmamızın məşqçisi Aslan Ağayevin bacısı nəvəsidir. Körpənin atası Lənkəranın Darquba kəndindən, anası isə Astara rayonundandır.

    Xatırladaq ki,Lənkəran rayonunun Darquba kəndində körpə ölümü hadisəsi baş verib. 6 günün körpəsi olan Nurullayeva Mələk Şaiq qızının meyiti su quyusundan tapılıb.

    ***

    Lənkəran rayonunun Darquba kəndində körpə ölümü hadisəsi baş verib.

    Asiya.az "Report"a istinadən xəbər verir ki, 6 günlük körpə Nurullayeva Mələk Şaiq qızının meyiti su quyusundan tapılıb.

    Hadisə səhər saatlarında baş verib. Adı hələ ki, məlum olmayan ana uşağı yedizdirdikdən sonra yatıb. Yuxudan oyandıqda isə körpəni yanında görməyib. Onunla bir otaqda qayınanasının yatdığı bildirilir. Qadının həyat yoldaşı digər otaqda yatıb.

    Öldürülən körpə ailənin ikinci qız uşağı olub. Ondan böyüyünün 4 yaşı var.

    Onun meyiti Məhkəmə Tibbi Ekspertiza və Paraloji Anatomiya Birliyinin Lənkəran rayon şöbəsinə təhvil verilib.

    Hadisənin kim tərəfindən və hansı şəraitdə törədildiyi araşdırılır.
    PAYLAŞ:

    Oxşar xəbərlər