“İlin icra başçısı” bəlli oldu - SORĞU

“İlin icra başçısı” bəlli oldu - SORĞU
  • Sosial / Cəmiyyət / Manşet

  • "İslahatçı Gənclər” İctimai Birliyi Editor.az İnformasiya Portalının informasiya dəstəyi ilə 2017-ci ilin yekunları ilə əlaqədar respondentlər arasında keçirilmiş sorğunun nəticələrini açıqlayıb.

    Asiya.az xəbər verir ki, sorğunun qalibləri arasında millət vəkilləri, səfirlər, dövlət qurumlarının rəsmiləri, diaspor təmsilçiləri iş adamları var.

    Respondentlər arasında keçirilmiş sorğunun nəticələrinə görə, Daşkəsən rayon İcra Hakimiyyətinin başçısı Əhəd Abıyev rayonun sosial-iqtisadi inkişafındakı mühüm xidmətlərinə görə, "İlin icra başçısı” adına layiq görülüb. Vətəndaşlar icra başçısı kimi 7 illik uğurlu fəaliyyətinə görə, Əhəd Abıyevi dəstəkləyiblər.

    Qeyd edək ki, Əhəd Abıyev 1958-ci il yanvarın 15-də Masallı rayonunda anadan olmuşdur. Milliyyətcə kürddür.[2] Azərbaycan Xalq Təsərrüfatı İnstitutunun iqtisadiyyat və planlaşdırma fakültəsini və "Təfəkkür" Universitetinin hüquq fakültəsini bitirmişdir.

    Əmək fəaliyyətinə Masallı Konserv Zavodunda başlamışdır. 1977-1979-cu illərdə hərbi xidmətdə olmuşdur.

    1979-1980-ci illərdə Azərbaycan Avtomobil Nazirliyinin 1 saylı tikinti-quraşdırma idarəsində usta, 1980-1982-ci illərdə Bakı şəhər Mənzil İdarəsində texnik, 1982-1984-cü illərdə "Azərittifaq" Universal bazasında iqtisadçı, 1984-1991-ci illərdə Bakı şəhər Soveti İcraiyyə Komitəsində böyük müfəttiş, böyük iqtisadçı, 1991-1995-ci illərdə Bakı Şəhər İcra Hakimiyyəti əhalinin sosial müdafiəsi və məşğuliyyəti şöbəsinin müdiri vəzifələrində çalışmışdır.

    Yeni Azərbaycan Partiyasının üzvüdür. Birinci, ikinci və üçüncü çağırış Azərbaycan Respublikası Milli Məclisinin deputatı seçilmişdir. Parlamentdəki fəaliyyəti dövründə Milli Məclisin Regional məsələlər daimi komissiyasının üzvü, Azərbaycan-Portuqaliya parlamentlərarası əlaqələr üzrə işçi qrupunun rəhbəri, Azərbaycan-Əlcəzair, Azərbaycan-Hindistan parlamentlərarası əlaqələr üzrə işçi qruplarının üzvü olmuşdur.

    Azərbaycan Respublikası Prezidentinin 23 fevral 2011-ci il tarixli Sərəncamı ilə Daşkəsən Rayon İcra Hakimiyyətinin başçısı vəzifəsinə təyin edilmişdir.

    Rus və ingilis dillərini bilir. Ailəlidir, iki övladı var.
    PAYLAŞ:

    Oxşar xəbərlər