Biləsuvarlıların boğaza yığıldığı başçı - Sakinləri susuz qoyan Mahir Quliyev...

Biləsuvarlıların boğaza yığıldığı başçı - Sakinləri susuz qoyan Mahir Quliyev... Azərbaycanında sadə vətəndaşların iqtisadi durumu hər gün pisləşməkdə davam edir...

Reallığın nədən ibarət olduğunu düşündükdən sonra istər-istəməz insanların sifətində ya həqiqət ya da nifrət, qəzəb ifadələri yaranır. Belə bir zamanda milləti kor hesab edir, öz qəzetlərində iyrənc doğuran əməlləri inkişaf kimi millətə sırımağa çalışırlar.

“Regionların sosial iqtisadi inkişafı Dövlət Proqramı” yalnız və yalnız icra başçılarının işinə yarayır, iş yerləri barədə verilən hesabatlar alladıcı rəqəmlərdən ibarətdir. Reallıqda isə rayonların əhalisi işsizlikdən bezar olub, müxtəlif qumar oyunlarına və ya oğurluqlara qurşanır. Xüsusilə Biləsuvar rayonunda belədir.

Rayon əhalisinin, kənd camaatının da gumanı gəlir əkin, biçinə, yığılan məhsula, bu da göz qabağındadır. Hər il ət, yağ, meyvə-tərəvəz daha da baha qiymətə alınır. Artım bəzən dioqnal sistemi xatırladır. 3-4 il əvvəl ət 8-9 manata, indi 11-13 manata, digər məhsular da günbəgün bahalaşır.

Biləsuvar rayonunda suvarılma sistemi bərbad olması və rayonda su qıtlığının yaranmasına səbəb olur və əkinçiliyin səmərəsiz olması da gün kimi aydın görünür. Bir neçə il öncə “Regionların sosial-iqtisadi proqramı” adı ilə bir reklam çarxı işə salındı. İlk baxışdan hesab olunurdu ki, onun hər cümləsi xəyali eyforiya ilə bəzədilmiş dekorasiyadır.

İndi yada düşmür, çünki ortaya qoyulan statisik rəqəmlər tam başqa bir mənzərə yaradır. Üz qaraldan nə varsa, onun üzərindən sükutla keçmək də artıq vərdişə çevrilib.

Dövlət orqanlarında bəzi məmurların təsadüfü post tutması nəticəsində, ölkə vətındaşları öz haqqını normal şəkildə ala bilməməsi, vətəndaşların ərizə və şikayətlərinə bütün dövlət orqanlarında vaxtında və ədalətlı baxılması işinin tamamilə unudulması faktoru təsdiq edir ki, Azərbaycan dövlətimiz və xalqımız ücün olduqca qorxulu tendensiya baş verə bilər. Məmurlar və yüksək vəzifəli şəxslər tərəfindən...

Yeddi ağbircək lazımdır ki, oturub bu milləti ürəkdən, dünyanın bütün insanlarının eşidəçəyi tonda ağlasın. Süfrəmiz kasıb, cibimiz boş, əlimiz qabar, sabaha heç bir inamı olmayan ümidsiz vəziiyyət yaşayır...

Yuxarıda sərgilənən fikirləri Biləsuvar rayonunun, İsmətli kənd sakinlərinin bir qrupu redaksiyamıza müraciətində belə deyir.

Müraciətdə qaldırılan məsələləri yerində araşdırmaq məqsədilə İsmətli kəndində şikayətçilərlə görüşüb, söhbətləşdik. Kəndin mərkəzinə toplaşan kənd sakinləri bizi dövrəyə aldılar. Söhbətə giriş verən İxtiyar Ağayev:

“İsmətli kəndinin 4 mindən çox əhalisi adından, Azərbaycan Respublikası Prezidenti Cənab İlham Əliyevə, I Vitse Prezident xanım Mehriban Əliyevaya, Baş Nazir cənab Novruz Məmmədova, Kənd Təsərrüfatı Naziri cənab İnam Kərimova , Meliorasiya və Su Təsərrüfatı ASC – nin sədri cənab Əhməd Əhmədzadəyə, Biləsuvar rayon İcra Hakimiyyətinin Başçısı cənab Mahir Quliyevə və Kütləvi İnformasiya Vasitəlrinə, çox saylı müraciətlərimiz baxılmaq ücün Biləsuvar rayonun rəhbərlərinə göndərilir baxılmır, həqiqətə uyğnun olmayan cavablar verilməklə işlərini bitmiş hesab edirlər.
Kəndimizin su təminatı rayon ərazisindən keçən Cənub Muğan kanalından götürən “V-3” təsərrüfatlararası suvarma kanalı vasitəsilə həyata keçirilir. Kolxoz müllkiyyəti özəlləşdirilərkən bəzi məmurlar, dövlət ərazilərini, əmlaklarını, torpaq sahələrinin əsas hissəsini qeyri- qanuni yollarla mənimsəməklə mülkədarlara çevrildilər. Bu zaman kəndimizin (İsmətli) arxasında yerləşən 1500 hektar əkin və otlaq sahələrinə gedən birinci “vetka” su kanalı (mənbəyi Nərimankənd ərazisi) məmurlar tərəfindən qanunsuz yollarla, şəxsi maraqlara qurban verilməklə ləğv edildi, həmin ərazidəki torpaq sahəsi məmurların mülkiyyətinə çevrildi.

Kənd sakinlərinin çox saylı şikayətlərindən sonra yeni bir su kanalı fəliyyətə keçsədə, sonralar müəyyən problemər üzə çıxdı. Belə ki, yeni su kanalı İsmətli kəndinin nəyinki əkin sahələrini heç icməli suya ehtiyacını ödəmədi. Kəndin qarşısından kecən su kanalı isə vəziyyətdən cıxış yolunu təmin edə bilmir. 2014 ci ildən bu günə kimi döymədiyimiz idarə-təşklat qapıları qalmayıb, bizim dərdimizə əlac tapsın...”.

Digər kənd sakini, şikayətçi Mirzəyev Mərdan: “Bizim Prezidentə və digar ali orqanlara şikayətlərimiz araşdırılıb tədbir görülməsi üçün Biləsuvar rayon İcra hakimiyyətinin müavini Xanlar Məmmədov cənablarına göndərilir. Nəticə sfır. Yəni bizim məmurlarımız öz şəxsi biznesləri ilə məşğuldurlar. M.Ə.Sabir babamız demişkən, “Mən salim olum, cümlə cahan batsa da batsın””.

Biləsuvarlıların boğaza yığıldığı başçı - Sakinləri susuz qoyan Mahir Quliyev...

Kənd sakini şikayətçi Bəyzadə Abbasov: “28 dekabr 2017 - ci ildə Meliorasiya və Su Təsərrüfatı ASC-nin şöbə müdiri Əjdər müəllimin qəbulunda olarkən bizi dinləyib, Biləsuvar rayonun rəhbərləri ilə əlaqə saxladı və bizə bildirdi ki, qısa zamanda sizin probləriniz həll olunacaq, nə vaxt?. Hələ də gözləyirik...

Eləcədə şikayətlərimizə Meliorasiya və Su Təsərrüfatı ASC- nin rəsmisi cənab N.Quliyev tərəfindən, Biləsuvar rayon Cənub Muğan Kanalının İstismar idarəsinin rəisi Kamil Mirzəyevə göndərilən 17 iyul 2019 ci il və 1214- 156 nömrəli məktubda bildirilir ki, məsələ ilə əlaqədar, yerində araşdırma aparılıb müvafiq tədbir görülsün. Göstərişlər, tapşırıqlar yalnız kağız üzərində qalır. Baxın, eşidin, bizə dedilər ki, pambıq əkin, əkdik. Bizi allatdılar. Cərcili deyilən ərazidə əkdiyimiz pambığı vur-tut iki dəfə suvara bildik. Əkin sahələrimiz sussuzluqdan yanıb məhv oldu. Məmurların əkinlərinin hec bir problemi yoxdur, Biz bilmirik onlar məmurdur yoxsa əkinçi?”

Kənd sakini, şikayətci Oktay Abdullayev: “Sovet dönəmində Biləsuvar rayonunda “Platina” adlanan su anbarı, əvvəlki dövürlərdə istifadə edilməklə istər əkin istərsə də əhalini içməli su ilə təmin edirdi. Ancaq, mövcud vəziyyətdə bu su anbarının lil ilə dolduğndan yararsız vəziyyətə düşüb. Deyilənlərə görə kağız üzərində bu su anbarı dəfələrlə təmizlənib və ayrılan vəsaitlər həmişəki kimi mənimsənilib”.

Kənd sakini şikayətci, Elsevər Quliyev: “Rayonumuzun məmurlarının əsas hissəsinin balıq yetişdirmə gölləri var. İlin bütün fəsillərində suvarılma suları onların göllərinə axıdılır. Sadə vətəndaşların əkin sahələrinin becərilməsinə məmur məsuliyyətsizliyi və acgözlüyü səbəbindən məhv olur. Rayonumuzda bu yiyəsizliyi, özbaşnalığı uşaqdan, böyüyə qədər hamı bilir, amma Meliorasiya və Su Təsərrüfatı ASC-nin, və Suvarma Sistemləri idarəsinin rəhbərləri bilsələrdə özlərini bilməməzliyə vurur”.

Kənd sakini Sübhan Babayev: “Bu yaxınlarda, Biləsuvar rayon İcra Hakimiyyətinin başcısı Mahir Quliyev kəndimizdə vətəndaşları qəbul etdi. Biz ona dedik ki, Cənub Muğan kanalından öz vəsaitimiz hesabına yeni kanal çəkmişik lakin bu kanaldan kənd ərazisinə suyun çatması üçün 25 metr iri diametrli boru xətti lazımdı. İcra başçısınin cavabında: “Bu bizlik deyil və s”.

İsmətli kənd sakinlərinin haqlı şikayətlərini Biləsuvar rayon, Cənub Muğan kanalı istismar idarəsinin rəisi Kamil Mirzəyevə çatdırmaqla onun da fikrini bilmək istəsək də onu iş yerində tapa bilmədik. Yolumuzu rayon Suvarma Sistemlər idarəsinin müdiri Ədalət Babayev cənablarının qəbuluna düşmək istəsək də onun hansısa tədbirdə olduğunu dedilər.

Məncə az-çox düşünənlər bilir; ölən təkcə torpaq deyil, minillik qan yaddaşlarımız, qədim kəndlərimiz, ellərimiz- obalarımız xarabalığa, dönür. Bu isə bu xarabalıqda bayquşların ucuz sövdələşməsinə qulaq asırıq. Sərvətlərimiz talanmaqla öz güzaranlarını istədikləri kimi quran məmurların nə vecinə ki, millət necə yaşayır? Onların əsas vəzifəsi bu təminatı onlara verən havadarlarını qorumaq, milləti isə qoy Allah qorusun!. (siam.az)


Oxşar xəbərlər