Asiya.az xəbər verir ki, Xudaqulu Rzayev 30 yanvar 1962-ci ildə Ordubad rayonunun Behrud kəndində anadan olub. Leninqrad Politexnik İnstitutunun “Maşınqayırma və texnologiya fakultəsi”-ni və Bakı Dövlət Universitetinin “Hüquq” fakultəsinin məzunu olub. Sank-Peterburq şəhərində Avrora EİB-də usta, növbə rəisi, daha sonra “20-ci parallel” müəssisəsində kommersiya direktoru vəzifələrində çalışıb.
1994-1996-cı illərdə “Şumer” firmasında Kommersiya direktoru vəzifəsini icra edib.
1996-cı ildə “İlandağ-SA”, 2007-ci ildə “Bəytaş-Bakı”, 2010-cu ildə “Dəniz uşaq baxçası”, 2011-ci ildə “Evrika liseyi”, 2017-ci ildə “İntelekt-RX” MMC müəssisələrini təsis edib.
2012-ci ildə Xudaqulu Rzayev firmaların fəaliyyətlərini ümumiləşdirərək “Minera”MMC şirkətini təsis edib.
Yeni Azərbaycan Partiyasının üzvüdür. Ailəlidir, 3 övladı var.
Bizdə, “Asiya.az” xəbər portalı olaraq qayğıkeş ailə başçısı, yüksək mənəvi dəyərlərə sahib olan insan , nüfuzlu bir iş adamı, xeyriyyəçi – Xudaqulu Rzayevi doğum günü münasibəti ilə təbrik edir, ömrünün uzun, canının sağlam olmasını arzu edirik.
Qeyd edək ki, Xudaqulu Rzayev 9 fevral 2020-ci ildə Milli Məclisə keçiriləcək seçkilərdə 18 saylı Nərimanov-Nizami Seçki Dairəsindən Yeni Azərbaycan Partiyasının qeydiyyata alınan namizədidir.
Bu işdə də ona uğurlar diləyirik.
Cəfər Cəfərov