Asiya.az xəbər verir ki, Komitə sədri Qənirə Paşayeva gənclərlə görüşdən məmnunluğunu ifadə edib. Gəncləri ölkəmizin sabahı, yeni uğurlarımızın memarları kimi xarakterizə edən Q.Paşayeva əsas diqqəti Vətən Müharibəsinə yönldib, gənclərimizin çoxsaylı qəhrəmanlıqlarından söz açıb.
Onlayn görüş iştirakçılarının suallarını cavablandıran Komitə sədri, 44 günlük müharibədə qazanılan tarixi zəfəri, böyük ölçüdə məhz gənc nəslin fədakarlığı, uğuru kimi şərh edib. Q.Paşayeva şəhidləri bir daha ehtiramla yad edərək, yaralı qazilərimizə şəfalar diləyib.
"Gənclər dövlət başçımızın müəyyənləşdirdiyi yeni hədəflərə hazır olmalıdır. Bununçün vətənpərvərliklə yanaşı, yaxşı təhsil almaq, biliklərə yiyələnmək, sağlam bədəndə sağlam ruh bəsləmək gərəkdir." - Komitə sədri vurğulayıb.
Təşkilatçılar və iştirakçılar səmimi görüş, fikir mübadiləsi üçün Komitə sədrinə təşəkkür edib.
