“Unikal”ın əldə etdiyi məlumata görə, M.Seyidov səhhətindəki problemə görə işdən çıxıb. Belə ki, o, artıq 5 ildir ki, bel yırtığından əziyyət çəkirmiş. Həmçinin generalın ayağında da problem yaranıb. O, bu problemlərə görə 5 dəfə əməliyyat keçirib.
Nəhayət, həkimlər Mirqafar Seyidova bildiriblər ki, onun bu vəziyyətdə xidmətdə olması sağlamlığına ciddi zərər vura bilər. Həkimlərin tövsiyəsindən sonra o, xidmətdən azad edilməsi ilə bağlı nazir Vilayət Eyvazova raport yazıb.
O, Baş Mütəşəkkil Cinayətkarlıqla Mübarizə İdarəsinin rəisi, Bakı Şəhər Baş Polis İdarəsinin rəisi olub. 2020-ci ildə Nəqliyyatda Baş Polis İdarəsinin rəisi təyin edilib.
