Asiya.az xəbər verir ki, bu gün məhkəmənin hazırlıq iclası keçirilib. Növbəti məhkəmə prosesi 14 aprel 2021-il tarixinə təyin olunub.
Məlumat üçün qeyd edirik ki, cinayət əməllərinə görə təqsirləndirilən Hətəm Əzizov 11.08.2000-ci il tarixdə Azərbaycan Respublikasının Cinayət Məcəlləsinin 168-ci maddəsinin 2-ci hissəsi ilə təqsirli bilinərək məhkəmənin hökmü ilə 2 il altı ay azadlıqdan məhrum edilib. Hətəm Əzizov cəzasını həbsxanada çəkdikdən sonra o, müəyyən vəzifə tutma və ya müəyyən fəaliyyətlə məşğul olma hüquqlarından məhrum olunsa da, lakin bunu əmək kitabçasında və tərcümeyi-halında saxtalaşdıraraq təqdim etdiyi saxta arayışlar əsasında məhkumluğunu gizlətmiş, cinayət əməllərini təkrar davam etdirib.
Hətəm Əzizov həmçinin saxta arayışlar əsasında Daşkəsən rayonunun yay-otlaq sahələrinə külli miqdarda mal-qara gətirib, Xoşbulaq kəndində örüş-otlaq sahələrini zəbt etməklə vətəndaşlara ziyan vurub. Nəticədə kənd sakinləri arasında narazılıq və qarşıdurma yaradıb. Belə qanunazidd, cinayət əməlləri ilə bağlı Azərbaycan Respublikasının Prezidentinin Administrasiyasının tapşırığı ilə Respublika Baş Prokurorluğunun nəzarəti altında Hətəm Əzizovun barəsində cinayət işi başlanaraq istintaq aparılmışdır. Çoxsaylı cinayət əməllərinə görə təqsirləndirilən Hətəm Əzizovun barəsində cinayət faktları zərər çəkən ayrı-ayrı şəxslərin və şahidlərin ifadələri ilə, habelə digər təsdiqedici materiallar ilə Daşkəsən rayon Prokurorluğunda tam sübut olunub.
Hazırda Azərbaycan Respublikasının Cinayət Məcəlləsinin 308.1., 313 və 179.2.3. maddələri ilə törədilmiş cinayət işinə hüquqi qiymət verilməsi üçün vəzifəsindən sui-istifadə etmiş Hətəm Əzizovun cinayət məsuliyyətinə cəlb olunması üçün məhkəmə prosesi davam edir.
