Asiya.az xəbər verir ki, ictimai fəal Bəxtiyar Hacıyev yeni faktlar açıqlayıb. Onun sözlərinə görə, Aznest saytında qoyulmuş nömrə Getcontactda həm də Aqrikon taqları ilə çıxırdı, ikisinin də eyni əl olduğu görünürdü: “Sahil Babayev komandası ilə düşündü, daşındı, böhran kommunikasiyası ilə bağlı məsləhətləri dinlədi, Aznest saytına qoyduqları nömrəni sildilər, GetContactda da nömrəni bağladılar. Cinayətlər də bağlandı!
Sahil Babayevin bu qədər acgözcəsinə və qeyri-peşəkarcasına dövlət büdcəsini talaması və guya saytdan nömrə silməklə bunu ört-basdır etməsini görmürlər. İş biz vətəndaşlara, fəallara, jurnalistlərə düşür”.
B.Hacıyev təklif edir ki, Dünya Bankından alınmış və gələcək nəsillərin ödəyəcəyi 100 milyon dollar kreditin 17 milyon dollarını, dövlət büdcəsindən isə hər il on milyonlarla manatın köçürüldüyü bu “Aznest” şirkətinin saytında göstərilən ünvana gedib, “şirkət”i tapaq: “Görək, yaranandan 2 ay sonra milyonluq tenderlər udan şirkətin rəhbəri kimdir, neçə departamenti, işçisi var, ofisi necədir? Tanış olaq da, hər halda xalqın pulları ilə sürətlə böyüyürlərsə, xalq da onları tanısın. Niyə gizlənirlər, niyə nömrə silib, nömrə bağlayırlar?”