Asiya.az xəbər verir ki, “PMC Vagner” kimi də tanınan qrup Rusiyada muzdlulardan ibarət qeyri-rəsmi hərbi birləşmədir. Qrup müxtəlif şəkildə özəl hərbi şirkət, muzdlular şəbəkəsi və ya Rusiya prezidenti Vladimir Putinin şəxsi ordusu kimi tanınır.
“Vaqner” qrupu Rusiyanın maraqlarını dəstəkləmək üçün fəaliyyət göstərdiyinə, Rusiya Müdafiə Nazirliyindən (MN) hərbi texnika əldə etdiyinə və təlim üçün MN qurğularından istifadə etdiyinə görə, çox vaxt MN və ya Rusiyanın hərbi kəşfiyyat idarəsinin faktiki bölməsi hesab olunur.
Qrup neçə nəfərdən ibarətdir?
Qrup Rusiyanın 2022-ci ildə Ukraynaya hücumunda mühüm rol oynayıb. Burada digər fəaliyyətlərlə yanaşı, Ukrayna liderlərinə sui-qəsd etmək üçün də iş başında olublar. Eyni zamanda cəbhə xəttində döyüşmək üçün xeyli sayda məhkumları döyüşlərə cəlb edib. 2022-ci ilin dekabrında Pentaqonun nümayəndəsi Con Kirbi “Vaqner” qrupunun Ukraynada 50 000 döyüşçüsünün olduğunu iddia edib.
Bəzi mənbələr “Vaqner” ordusunun 25 min nəfər olduğunu bildirirlər.
Qrupun qurucusu kimdir?
“Vaqner”in yaradıcısının Yevgeni Priqojin olduğu deyilir. Bəzi mənbələrə görə, “Vaqner” qrupun 2010-cu illərin əvvəllərində keçmiş GRU (Baş Kəşfiyyat İdarəsi) polkovnik-leytenantı Dmitri Utkin tərəfindən yaradılıb.
Yevgeni Viktoroviç Priqojin rusiyalı iş adamı və oliqarxdır. Priqojin xüsusilə Rusiya prezidenti Vladimir Putinə yaxınlığı ilə tanınır. O, restoranları və iaşə obyektləri ilə Putinin xarici dövlətlərin yüksək səviyyəli qonaqları ilə birlikdə iştirak etdiyi şam yeməyinə ev sahibliyi etdiyi üçün “Putinin aşpazı” kimi də tanınır.
Priqojin Afrika, Suriya və Ukraynadakı münaqişələrdə iştirak edən Rusiyanın dəstəklədiyi muzdlu qrup olan “Vagner” və 2016-2018-ci illərdə ABŞ seçkilərinə müdaxilədə ittiham olunan 3 şirkətlər şəbəkəsinə nəzarət edir. Priqojin Sovet İttifaqı dövründə 9 il həbsxanalarda yatıb. “Vaqner” qrupu 2022-ci ildə şirkət kimi qeydiyyatdan keçib və Sankt-Peterburqda yeni qərargah açıb.
