Səhər saatlarında şəhid baş leytenantla vida mərasimi onun doğulduğu 1-ci Yeddioymaq kəndində keçirildi.
Şəhid baş leytenant orduda tank komandiri olaraq xidmət göstərib. Əlimərdan Quluzadənin qardaşı da hazırda könüllü olaraq cəbhədə döyüşür. Şəhidimizin iki azyaşlı qızı ondan yadigar qaldı.
Günorta saatlarında şəhid əsgər Musa Mustafayevlə vida mərasimi isə onun doğma kəndi Xoşçobanlıda keçirildi.
Beş bacının bir qardaşı olan Musanın hərbi xidməti başa vurmasına 3 ay qalmışdı.
Asiya.az xəbər verir ki, Şəhidi son mənzilə yola salmaq üçün Rayon İcra Hakimiyyətinin başçısı Şahin Məmmədov, hüquq-mühafizə orqanlarının əməkdaşları, yerli sakinlər, ictimayət nümayəndələri və şəhidin ailə üzvləri iştirak ediblər.
Hər iki şəhid böyük izdihamla son mənzilə yola salınıb.
Masallı Rayon İcra Hakimiyyətinin başçısı Şahin Məmmədov hər iki şəhidin tabutuna bükülmüş Azərbaycan bayrağını öpərək onların atalarına təhvil verib. İcra başçısı bildirib ki, “Bu bayraqda oğlunuzun ruhu var, qoxusu var. Mən bu bayrağı öpərək sizə təhvil verirəm. Bu bayraq evinizin ən əziz yerində olmalıdır. Qoy şəhidimizin qoxusunu almaq istəyənlər bu bayrağı öpsünlər”.
Cəfər Cəfərov, Asiya.az
