Dünya ölkələri ayağa qalxdı – ABŞ-dan “Boeing”lə bağlı kritik addım

Dünya ölkələri ayağa qalxdı – ABŞ-dan “Boeing”lə bağlı kritik addım ABŞ-ın “Boeing” şirkətinin məhsulu olan “Boeing 737 Max 8” tipli təyyarənin Efiopiyada qəzaya uğraması və ekipaj üzvləri ilə birlikdə təyyarədəki hər kəsin ölməsi dünya ölkələrini ayağa qaldırıb.
“Boeing” məhsullarının xidmətindən yararlanan ölkələr müvəqqəti olaraq bu təyyarələrlə təşkil olunan səfərləri ləğv etsələr də, ABŞ tam əks addım atıb.

ABŞ Federal Aviasiya Qurumu isə “Boeing”in sözügedən modelinin hər hansı sistematik bir probleminin olmadığını və bu səbəbdən uçuşları ləğv etməyəcəklərini açıqlayıb.

ABŞ prezidenti Donald Tramp məsələ ilə bağlı beynəlxalq mərkəzi Çikaqoda yerləşən “Boeing” firmasının rəsmisi Dennis Mulenbörq ilə görüşüb. Direktor prezidenti təyyarələrin istifadədə qalmasına heç bir maneə olmadığına dair arxayın edib.

Qeyd edək ki, sözügedən qəzadan sonra Qazaxıstan, Türkiyə, Honq Konq, Hindistan, Kayman adaları, Almaniya, Avstriya, Fransa, Hollandiya, İngiltərə və Çin bu təyyarələrin xidmətin müvəqqəti olaraq imtina edib. (Publika.az)

Oxşar xəbərlər