3-04-2024, 21:44

1 581

İqtisadiyyat / Araşdırma

- A +

Abşeron rayonu Hökməli qəsəbəsində acınacaqlı vəziyyət hökm sürməkdədir.

Asiya.az-a yazan sakinlər bildirib ki, ən bərbad vəziyyət olan qəsəbə Hökməlidir. Sakinlərin sözlərinə görə, qəsəbədə piyadaların hərəkəti üçün boş səki qalmayıb. Səkilər ya qanunsuz olaraq satılıb, ya da avtomobil saxlamaq üçün istifadə edirlir.
Qəsəbənin Koroğlu küçəsindən isə danışmağa dəyməz. Sakinlər bildirirb ki, nə avtomobillər hərəkət edə bilir, nə sakinlər. Problem aidiyyəti qurumları narahat etmədiyi üçün obyekt sahibləri səkiləri zəbt etməkdə davam edirlər. Hətta səkini tamam zəbt edib obyektini genişləndirənlər də var.
Sakinlər aidiyyəti qurumların gözardı etdiyi bu qəsəbəyə də nə vaxtsa diqqət ayrılacağı günü gözləyirlər.

Abşeron Rayon İcra Hakimiyyəti sözügedən yazıyla bağlı verdiyi açıqlamada deyilir:

"Neqativ halın tez bir zamanda aradan qaldırılması üçün tərəfimizdən RİH-in Memarlıq və Tikinti Şöbəsinə, eləcə də Hökməli qəsəbə inzibati ərazi dairəsi üzrə nümayəndəliyə və Abadlıq və Kommunal Xidmətlər idarəsinə müvafiq tapşırıqlar verilmişdir."