Rayon İcra Hakimiyyətinin köməkliyi ilə bütün sahələrdə qışa hazırlıq işləri tam başa çatdığından güclü qarın yağması heç bir problem yaratmayıb.
Kəndlərarası yollarda qarın yağmasının nəqliyyatın və əhalinin hərəkətinə çətinlik yaratmaması üçün Rayon İcra Hakimiyyəti olaraq daxili imkanlar hesabına rayonun müvafiq yol xidməti strukturlarını səfərbər edərək qarın yollardan təmizlənmə işləri aparılır və digər qabaqlayıcı təhlükəsizlik tədbirləri həyata keçirilir.
Asiya.az xəbər verir ki, bayram günlərində güclü qarın yağmasına görə sakinlərin istirahətinin pozulmaması üçün rayonun aidiyyəti qurumlarının gücləndirilmiş iş rejimində fəaliyyət göstərmələri barədə Rayon İcra Hakimiyyəti tərəfindən tapşırıq verilərək komissiya yaradılıb.
Azərbaycanın ucqar dağlıq rayonu olan Daşkəsənə belə güclü qar yağmasına baxmayaraq, hazırda soyuq, şaxtalı havalar olsa da qarşıdan gələn Parlament seçkiləri rayonda ədalətli, obyektiv, seçki qanunlarına uyğun keçirilməsi üçün hazırlıq işləri görülür.
Bildiyiniz kimi, dünya şöhrətli Prezidentimiz cənab İlham Əliyevin rəhbərliyi ilə müasir Azərbaycan uğurla inkişaf edən ölkələr sırasındadır.
Ölkə Prezidentimiz cənab İlham Əliyev müasir idarəetmə yolu ilə Azərbaycanın iqtisadiyyatını gücləndirir, ordumuz qüdrətlənir, sosialyönümlü bütün sahələri inkişaf etdirməklə ölkəmizdə sabitliyi qoruyub saxlayır.
İnanırıq ki, 2020-ci il ölkəmiz üçün uğurlu il olacaq. Yeni ildə Ali Baş Komandanımız cənab İlham Əliyevin rəhbərliyi ilə ordumuz işğal olunmuş torpaqlarımızı azad edəcək.
Başda Ali Baş Komandanımız cənab İlham Əliyev olmaqla Qarabağa doğru irəli!
Allah Prezidentimizi qorusun, Prezidentimiz də xalqımızı, dövlətimizi qorusun!
