Asiya.az xəbər verir ki, Xudaqulu Rzayev seçicilərin yaşadığı problemlərə, təkliflərə qulaq asıb bir xeyli söhbətləşib. O, bildirib ki,
“Görüşə gələn hər bir sadə insan məndə çox böyük ruh yüksəkliyi yaradır. Seçkilərdən sonra sizin şəxsən mənə bildirdiyiniz hər bir problemi işıqlandırıb tezliklə həll edilməsinə vasitəçi olacağam. Bütün qeyd edilən problemlərin həll edilməsiylə birbaşa olaraq komandam məşğul olacaq. Problemlərin işıqlandırılması və həlli ilə bağlı aktiv şəkildə sosial şəbəkələrdə hesabatlarımız paylaşılacaq. Hər kəsi 9 Fevral seçkilərində fəal iştirak etməyə çağırıram. Sizin arzularınız bizim işimizdir!”
Seçicilər Xudaqulu Rzayevin təqdimata ehtiyacı olmadığını deyiblər.
“Biz zatən Xudaqulu müəllimi tanıyırıq. Onun xeyirxah əməlləri hər birimizə bəllidir. Xudaqulu müəllim daim əhalinin aztəminatlı təbəqəsi ilə maraqlanır, əhali arasında olur. Biz hamılıqla 9 fevral seçki günü ən layiqli namizədə - Xudaqulu Rzayevə səs verəcəyik”.